Uni
.
.
.
ကိုးချစ် လက်စွပ်နဲ့ ဆွဲကြိုးကို သူငယ်ချင်းတွေက တဝိုးဝိုးတဝါးဝါးပင်...
ရတနာနှင့် ခင်ခင်ခက စေ့စပ်ပွဲကို သူတို့မသိအောင် လုပ်လိုက်လို့ စိတ်ကောက်နေကြသေးသည်။
" နာနာ နဲ့ ခခ ရေ...ဒီမှာ မုန့် ဟီးဟီး.... စိတ်မဆိုးကြနဲ့တော့ဟယ် နင်တို့ကလည်း... မင်္ဂလာဆောင်ပါ မဖိတ်ဘဲထားလိုက်မှာနော်...''
ထုရိုက်ကြတော့တာမို့ ကိုးချစ် ရယ်ကာနေလိုက်သည်။
" သော်သော်... နင်တကယ်ကြီး မင်္ဂလာဆောင်တော့မှာပေါ့...''
ဝန်းရံခ အမေးကို ခေါင်းသာငြိမ့်ပြလိုက်သည်။
" ငါ့လည်း ဖိတ်ဦးနော်.... ''
" မဖိတ်စရာလားဟယ် ခ နှစ် ခ ရယ် ရတနာရယ် သုံးယောက်လုံး အဓိက...''
ဝန်းရံခက သွားစွယ်လေးတွေပေါ်သည့်အထိ ရယ်မောသည်။
" အေးပါ အေးပါ...''
........
ကျောင်းပိတ်ရက်ကျတော့ ကိုးချစ်တို့တွေ ဆိုက်ပတ်ကြည့်ကြရင်း ဝန်းရံခဦးလေးနဲ့ တွေ့တာမို့ မိတ်ဆက်ပေးသည်။
သဘောတော်တော်ကောင်းပြီး အေးဆေးသည်။ ဝန်းရံခကိုလည်း တော်တော်ချစ်သည်။
" အိမ်လည်း ခဏပြန်လာပါဦးကွ ခခရ... ''
" မကြည့်ချင်တဲ့မျက်နှာမြင်နေရမယ့်အစားတော့ အပြင်မှာ တစ်ယောက်တည်းပဲ ကောင်းပါတယ် လေးလေးရယ်...''
" ကိုကြီးက မင်းကိုချစ်ပါတယ်ကွ ငါ့တူရ...''
" အဟက်... ဟုတ်မှာပါ...''
ဝန်းရံခ ဦးလေးက ခေါင်းခါရမ်းသည်။ ကိုးချစ်တို့ကတော့ ဘာပြောနေကြမှန်းနားမလည်ပေ...
" ဟဲ့....ခခ နင်က အပြင်မှာ တစ်ယောက်တည်းနေတာလား...''
" အင်း...''
" ဘာလို့လဲ...''
" နောက်တော့ ပြောပါ့မယ်ဟာ...လာ... နောက်တစ်ဆိုက်ကူးကြစို့...''
ကိုးချစ်တို့ ဒီကုမ္ပဏီမှာ အလုပ်သင်ဆင်းခွင့်ရတာ ကံကောင်းသည်။ နေ့လယ်စာကျွေးပြီး လကုန်လျှင် ပိတ်ရက် ၈ ရက်စာ မုန့်ဖိုးပေးသေးသည်။ အကုန်လုံး သူ့ဦးလေးစီစဥ်ပေးတာဟု ကောင်းဝန်းရံခက ပြောသည်။
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း
