Uni
.
.
.အနွေးထည် အထူကြီးဝတ်ထားတဲ့ ကလေးကို ထွေးပွေ့ကာ လည်တိုင်က ဆံပင်ကောက်လေးတွေကို တိုးဝှေ့နမ်းရှိုက်သည်။ ကလေးကတော့ အံ့အားသင့်လွန်းလို့ဖြစ်မည်။ ရုန်းလည်းမရုန်းဖယ် ငြိမ်ငြိမ်လေးရပ်လို့နေသည်။ ရုတ်တရက်မို့ ဘာဖြစ်နေမှန်း သူ့ကလေးနားလည်ဦးမှာမဟုတ်ပေ။
လည်တိုင်တွေကို ထိကပ်လာတဲ့နှုတ်ခမ်းက အေးစက်စက်အထိအတွေ့ကို ရမှ ကိုးချစ် ဆတ်ကနဲလှုပ်ရှားသွားပြီး ကိုကို့ခန္ဓာကိုယ်ကြီးကို အတင်းတွန်းထုတ်ပစ်လိုက်သည်။
" ဘယ်လာလုပ်တာလဲ ဒီကို ''
" ကလေးလေး စိတ်ကြိုက်အပြစ်ပေးလို့ရအောင် လိုက်လာတာ ''
စပ်ဖြဲဖြဲမျက်နှာကြီးကို ကုတ်သာဆွဲလိုက်ချင်သည်။
" ခင်များနဲ့ ဘာမှပတ်သက်စရာမရှိဘူး ပြန်တော့ ''
" မပြန်ပါဘူး... ပြန်လို့လည်း မရတော့ဘူး ''
" ဘာ ''
" ကလေးသွားပြီးကတည်းက ကိုကိုတစ်ယောက်တည်းဖြစ်နေတာ။ မေမေတို့ကလည်း ပစ်ထားကြတာလေ။ ..
ဟို..... အဲဒါကြောင့် ဆံထုံးနောက် သျှောင်ပါ လိုက်လာတာပါ ''ကိုးချစ် နှုတ်ခမ်းကို ဖိကိုက်ပြီး လှည့်ထွက်တော့ လက်ကိုဆွဲကာ တားပြန်သည်။
" လွှတ်...ဖယ်...လွှတ်လို့ ''
" အယ်...အယ်... လွှတ်မယ် မရုန်းနဲ့ ကလေးလဲလိမ့်မယ်.. ''
" ဖယ်...အ...''
ကိုးချစ် လက်ကိုဆွဲထားတာ ဆောင့်ရုန်းတော့ ချော်ကာလွတ်သွားပြီး ကြမ်းပေါ်ဖင်ထိုက်လျက်သားပြုတ်ကျသည်။
" ဟော..နာသွားပြီလား အဲဒါကြောင့် မရုန်းနဲ့လို့ပြောတာ ''
" လာ ကိုကိုထူမယ် ''
" မထိနဲ့... ''
ပြောရင်း ကိုးချစ် မတ်တပ်ထရပ်သည်။
" ဒီမယ် ကိုမင်းခန့်ညား... ခင်များ ဘာကိစ္စနဲ့ပဲလာလာပြန်ပါ။ ကိုးချစ်နဲ့ ခင်များက ပြီးပြီ။ ဘာမှဆက်လုပ်စရာမရှိဘူး။ ပြီးပြီ ပြတ်ပြီ ''
" မပြတ်သေးပါဘူး ကလေးရယ်။ ဘယ်သူပြတ်ပြတ် မပြတ်ပြတ် ကိုကိုမပြတ်ဘူးကွာ။ ''
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း