Be My Bride 🌿🌤 ချိုချိုချဥ်ချဥ် ကိုကို့ရင်ခွင် အပိုင်း-၂၄
"သမီးမေမေတို့ရောက်ပြီနော်"
"ဟုတ်မေမေ "
"မေမေစိတ်ချမယ်နော် သမီးဘယ်မှမသွားရဘူးနော် "
"မသွားပါဘူးမေမေရဲ့ မေမေစိတ်ချ ကိုကို့ဆီမှာပဲနေပြီး သင်တန်းသွားတာလောက်ပဲမီးမီးအပြင်ထွက်မှာ "
"သမီးဒီနှစ်ရက်မှာ တီလေးဖြူငယ်စကားနားထောင်နော် အိမ်အလုပ်လေးဘာလေးလဲဝိုင်းကူရမယ်နော် "
"ဟုတ် မီးမီးအကုန်ဝိုင်းကူပါ့မယ် မေမေစိတ်ချ"
မေမေနှင့်ဖုန်းပြောပြီးသည့်အခါ ခမ်းလေးတီလေးဖြူငယ်ရှိသည့် ဧည့်ခန်းသို့သွားထိုင်လိုက်တော့သည်။
နေပြည်တော်တွင် ဖွားလေးမွေးနေ့လေးမို့ ဘုန်းကြီးကျောင်းတွင်ဆွမ်းကပ်မည့်ကိစ္စလေးရှိသည်ကြောင့် မေမေရောဖေဖေရော ဦးဦးတွေပါ အကုန်နေပြည်တော်ပြန်သွားကြသလို နောက်နှစ်ရက်နေလျှင် ခမ်းလေးလဲလိုက်ပြန်မည်ဖြစ်သည်။ ဆွမ်းကပ်မည့်ရက်လေးက ၅ ရက်လောက်လိုသေးပေမယ့်လဲ ဖွားလေးကမွေးနေ့နီးလျှင်အမြဲဖျားတတ်သည်ကြောင့် ရော အလုပ်တွေကြောင့်ရောမို့ မေမေတို့ကစော၍ပြန်သွားကြခြင်းဖြစ်သည်။ ယခုတော့ သင်တန်းနှစ်ရက်တတ်ပြီး နောက်နေ့မှကိုကိုနှင့်နေပြည်တော်သွားမည်မို့ ယခုတော့ တီလေးဖြူအိမ်တွင်လာနေနေလိုက်သည်။
"မေမေ့သားအခုတလောအစားတွေပျက်နေသလိုပဲနော် "
"အလုပ်ပင်ပန်းလို့ထင်တယ်မေမေ ဟုတ်တယ်သိပ်စားမကောင်းဘူး"
"သားဘာဟင်းစားချင်လဲ မေမေချက်ပေးမယ်လေ"
"ထွေထွေထူးထူးတော့မစားချင်ဘူးမေမေ အော်...မေ့လို့ သားပဲနှပ်စားချင်နေတာ မေမေ့ကိုပြောဖို့မေ့နေလို့"
"အတော်ပဲ မေမေပဲလိပ်ပြာလေးတွေဝယ်ထားတာရှိတယ် အခွံလေးချွတ်ပြီးမေမေနှပ်ပေးမယ်လေ "
"မီးမီးချက်ပေးမယ်လေတီလေး "
သမီးကဘေးနားကထပြောလေသည်။
"သမီးချက်တတ်လို့လားသမီးရဲ့"
"နေပြည်တော်မှာတုန်းက ကိုကိုကစားချင်တယ်ပြောလို့ဖွားလေးနှပ်ပေးဖူးတယ် မီးမီးမှတ်မိတယ် နော် မီးမီးနှပ်ပေးမယ်"
YOU ARE READING
Be My Bride 🌷💙 ချိုချိုချဥ်ချဥ် ကိုကို့ရင်ခွင်
Romance"ပူတင်းလေးကဘာလဲ" "ကိုကို့အပိုင်" "ကိုကိုတို့ကရောဘာလဲ " "မောင်နှမ" "ဟာ..."
