Shadows Of A Silverharth [COMPLETED]

/4/ Journey to Academy

Chapter 4:
JOURNEY TO ACADEMY

[10 YEARS LATER]

Ester's POV

"Ate ayos ka lang?" nag-aalalang sigaw ni Marko na nasa kabilang banda ng nakasarang pinto ng aking kuwarto. Ito ang dahilan kung ba't pwersahan kong pinigil ang pagdaloy ng masklap na nakaraang naranasan ko.

Sa bawat pagkakataong naaalala ko kung paano pinatay ang pamilya ko ay hindi ko mapigilang ilabas ang killing intent ko. I badly want to kill those who killed them. Kaya siguro naalarma si Marko dahil malamang naramdaman nito kahit sa malayo ang kagustuhan kong pumatay.

Si Marko. Ang signus niya ay Advanced Healing at may karagdagang kakayahan siyang maramdaman ang nararamdaman ng iba. Apo siya ni Tatang Isko kung saan niya namana ang kakayahan niyang manggamot. Silang dalawa ang kumupkop sa akin sa loob ng sampung taon simula nang matagpuan nila ako. Naliligo raw ako sa sarili kong dugo, nakahilata sa damuhan noong araw na ako'y kanilang makita, ang araw matapos ng brutal na pagpatay sa tunay kong pamilya.

Walang natira sa kanila, kahit na ang kambal ko ay hindi ko na rin nakita magmula noon.

It has been ten years, ten years without them. Ibig sabihin, sampung taon ko ng dinadala ang poot sa aking puso. Sampung taon na simula nang puspusan kong pagte-training dala ang hangaring maghiganti.

Ngayon, siguro'y handa na ako. Handa na ako para harapin SILA. Handa na akong dungisan ang sarili kong kamay.

"Ate, tapos ka na ba mag-empake?"sigaw muli ni Marko.

Hindi ako sumagot dahil tinatamad ako. Bagkus, sinadya kong marahas na isara ang zipper ng bag ko upang marinig ni Marko at malamang O'o ang sagot ko sa tanong niya. Clues.

Sinukbit ko ang aking bag sa balikat at tumayo na mula sa kama. Nilibot ko ang aking paningin sa buong kuwarto. Baka ito na ang huling beses na maamoy ko ang lugar na ito, ang amoy ng mga librong halos pumuno sa dingding sa palibot ng kuwarto ko. Mga librong naipon dahil sa pananaliksik na ginawa ko tungkol sa mga posibleng maging kalaban ko sa hinaharap.

Bumuga ako ng hangin at buo ang kumpiyansang lumabas na.

"Tara na Ate!" Nakangiting saad ni Marko na siyang bumungad sa akin pagbukas ko ng pinto. Nakatindig siya ng maayos dahilan upang itaas ko ang lebel ng aking paningin upang makita ang kaniyang mukha. He has a blond undercut curly hair above his slim face kung saan nakapaloob ang singkit niyang mga matang lulan ang abuhing bilog kung saan ko nakikita ang aking repleksyon. Bumagay ito sa matangos niyang ilong at maliit niyang labi.

"Uhm," ang tanging tunog na nilabas ng lalamunan ko at nauna nang lumabas ng bahay. Bumaba ako sa hagdang gawa sa kahoy.

"Tatang aalis na po kami," pagpapaalam ng nasa likod kong si Marko kay Tatang. "Ate's feeling says she's going to miss you!" Dagdag pa niya na nagpangiti kay Tatang.

"Sige na, mga apo. Malayo pa ang lalakbayin n'yo. Mag-iingat kayo sa daan, ha," habilin ni Tatang. Nagmano kaming dalawa. "Paalam, Tang," mahina kong sambit paglapat ng likod ng palad ni Tatang sa noo ko.

Nagsimula na kaming maglakad palayo. Tinahak namin ang masukal na daan tungong Signus Academy.

Makalipas ang pitong oras ng paglalakbay ay natatanaw na namin ang akademya ngunit bago makadating doon ay kailangan muna naming dumaan sa isang masukal na parte ng gubat.

Madilim dahil natatabunan ng matatayog na puno ang liwanag na dala ng araw. Tanging anino ng nagtataasang mga puno ang nakikita ko. At tanging mga huni ng insekto at ang pagkadurog ng mga dahong naapakan namin ang naririnig.