Limited Edition✨ (completed)

Final Chapter

Unicode

ရွှေအိုရောင်စာလုံးတွေနဲ့ Park လုပ်ငန်းစုဟူ၍ သားနားစွာရေးထားသော ကုမ္ပဏီကြီးသည် CEO လာသည်နှင့်ပို၍ခမ်းနားသွားတတ်သည်ဖြစ်ရာ ယခု
CEO၏ ကောင်လေးပါ ပါလာ၍ မျက်စိကျိန်းလောက်သည်အထိ အရှိန်အဝါတစ်ခုကိန်းအောင်းနေပါ၏။

အနက်ရောင်ဝတ်စုံပြည့်ဆင်တူက ငွေဖြူရောင်ခေါင်းဆင်တူတို့နှင့် လိုက်ဖက်စွာ ပြည့်စုံနေကြသည်။
Long coat ဆင်စွယ်ကွက်ကျားကိုပုခုံးနှစ်ဖက်ပေါ်အုပ်တင်ကာ တစ်လှမ်းချင်းလျှောက်လာသည့် CEO က သူ့ကောင်လေးကို တယုတယလေးလှည့်ကြည့်နေသေးတာ...။
သူကောင်လေးကတော့ တောက်တောက်ပပပြုံးနေတာများ...။

CEO ညကအသည်းအသန်ဖုန်းဆက်ပြင်ဆင်ခိုင်းတာကြောင့် ဂျာကြီးတွေရော လက်ထောက်တွေပါ ယခုထိမအိပ်ရသေးပါ။
ဒါပေမယ့် CEOတို့အတွဲကိုပိုမြင်ချင်နေကြတာကြောင့် မအိပ်ရသေးတာကိုပင် ဂရုမစိုက်ကြ...။

ရှေ့မျက်နှာစာမှာမြင်နေရသော CEOတို့အတွဲကိုသာ အပေါ်ထပ်မှန်ပြင်ကနေ တိုးလျှိုးကြည့်နေကြတော့သည်။

…

…

…

"ပေါ့ပေါ့ပါးပါးလေးကို ကောင်းတာလေးဝတ်လာလို့ရရဲ့သားနဲ့ချန်းရယ်
အခုက ပွဲတက်နေရသလိုပဲ''

ကွက်တိကျနေသည့် ကုတ်အင်္ကျီအနက်ရောင်လေးကို ဟိုကိုင်ဒီကိုင်လုပ်ကာ မနေတတ်ဖြစ်နေသည့်ကောင်လေးငယ်...။

ဘာကိုမှမသိသေးသောကောင်လေး အနေခက်နေပုံလေးကိုချစ်လွန်းလို့ ပါးကိုတစ်ချက်နမ်းမိတော့ 'မြင်ကုန်မယ် ချန်းကလည်း' ဆိုတဲ့အသံစူးစူးလေးထွက်လာသည်။

"မမြင်မြင်အောင်ကို လာပြတာပဲလေ''

ချန်းယောလ်ရဲ့နှုတ်ခမ်းတစ်ဖက်အပေါ်တက်ကာပြုံးလိုက်သည့်ပုံက အလွန်မတန်မှ ကြည့်ကောင်းလွန်းပါသည်။

"CEO! CEO! ခဏလောက်လာပါဦးဗျာ''

ခပ်သုတ်သုတ်ပြေးဆင်းလာတဲ့ မန်နေဂျာနောက်ကို ချန်းယောလ်ကြောင်ကြောင်လေးလိုက်သွားရသည်။