Unicode
ချန်းယောလ် ဆုံလည်ထိုင်ခုံတွင်ကျောမှီ၍ခြေထောက်ကိုချိတ်ထိုင်ကာသူ့ရှေ့မှာ ဩဝါဒတွေတစ်သီတစ်တန်းခြွေနေသော ကျောင်းအုပ်ကြီးဆိုသူကို မှုန်တေတေမျက်နှာထားနှင့်
ကြည့်နေလိုက်သည်။သူကျောင်းရုံးခန်းကိုရောက်ခြင်းမှာ ကျောင်းဖွင့်သည့်သုံးလအတွင်းတွင်ဆယ်ခေါက်မကတော့။
ရောက်တိုင်းတွင်လည်း သတင်းကောင်းကြောင့်မဟုတ်။ယခုတစ်ခေါက်တွင်လည်း ဆေးလိပ်ခိုးသောက်တာမိ၍ ရုံးခန်းသို့ခေါ်ဆူခံရခြင်းဖြစ်သည်။
တစ်ခြားသူတွေအနေနှင့်ဆိုလျှင် ရုံးခန်းသို့ သုံး၊လေးခေါက်လောက်ရောက်သည်နှင့် ကျောင်းထုတ်ခံလိုက်ရမည်မှာအသေအချာဖြစ်ပေမယ့်
ချန်းယောလ်အတွက်တော့ထိုသို့မဟုတ်။မွေးသဖခင်ကြီး၏ ကျောင်းထောက်ပံ့ကျေးဆိုသောမျက်နှာကြောင့် ရုံးခန်းဘယ်နှစ်ခေါက်ရောက်ရောက် ကျောင်းထုတ်ခံရဖို့မပြောနှင့် မည်သူမျှအသံကျယ်ကျယ်ဖြင့်မဆူရဲသည်အထိပင်။
သို့သော် သူ့ကိုဆူရဲသည့် တစ်ဦးတည်းသောပုဂ္ဂိုလ်ဖြစ်သည့် ဖခင်ကြီးကတော့ မကြာခင်မှာ ဖုန်းဆက်ပြီးပွားတော့မှာဖြစ်သည်။
သူစိတ်ညစ်တာလည်း ဒါတွေပင်။အဝေးကိုပို့ထားပီးတော့ ကိုယ့်ကိုထိန်းချုပ်ချင်နေတဲ့အဖေဖြစ်သူကို တကယ်ပဲနားမလည်နိုင်ပါ။
ကိုယ့်လိုဆိုးသွမ်းနေတဲ့သားတစ်ယောက်ကိုမထိန်းနိုင်လို့ သူ နေချင်ပါဘူးဆိုတဲ့ဒီနိုင်ငံကိုပဲပို့လိုက်တာမဟုတ်လား။…
…
…
မီးရောင်တွေတလက်လက်နဲ့ လာနေကျ ကလပ်ကလည်း ဒီနေ့မှမျက်စိနောက်စရာကောင်းနေသယောင်။
ချန်းယောလ် ဝိုင်ခွက်ထဲရေခဲတစ်တုံးပစ်ထည့်၍သာ ဘယ်၊ညာ ဝေ့ဝဲကြည့်နေလိုက်တော့သည်။
အိုဆယ်ဟွန်း!သကောင့်သားကတော့မိန်းကလေးတွေကြားကွေးနေအောင်ကနေသည်မှာ ချန်းယောလ်ကိုပင်သတိရမည်မဟုတ်။
ငလူးလေးကိုဂုတ်ကနေဆွဲပီးသာ ဟန်မြစ်ထဲလွင့်ပစ်လိုက်ချင်သည်။
YOU ARE READING
Limited Edition✨ (completed)
Fanfiction𝖭𝗈 𝖣𝗋𝖺𝗆𝖺 𝖹𝗈𝗇𝖾 ⋆♡︎˚ 𝗋𝖾𝖼𝗈𝗆𝗆𝖾𝗇𝖽𝖾𝖽 𝗌𝗈𝗇𝗀 - 𝖲𝖲𝖥𝖶 𝖻𝗒 𝖢𝗁𝖺𝗇𝗒𝖾𝗈𝗅