(Uni)
"မမ....."
သောတာ၏တုန်ယင်သံစွက်ခေါ်သံကြောင့် Jue အခန်းဝကိုလှည့်ကြည့်လိုက်မိလေရာ အထုပ်ကြီးအထုပ်ငယ်ပေါင်းစုံဖြင့် မနိုင်မနင်းဖြစ်လာဟန်သောတာကြောင့် အပြေးတပိုင်းကူသွားကြိုမိလေသည်
သောတာမျက်နှာလေးကလည်းငြိုးငယ်နေလေ၍ လက်ဖျားလေးတွေကလည်းအေးစက်ကာနေလေ၏
"ကလေး...ဘာဖြစ်လာတာလဲ"
"ဟင်...."
"နေမကောင်းဘူးလား
အကိုသွေးနဲ့အပြင်သွားတာတစ်ခုခုဖြစ်ခဲ့လို့လားဟင်
အကိုသွေးကဆူလိုက်လို့လား"
"မမ....ဟုတ်ဘူး
ဒါတွေ....ဒီဟာတွေအကုန် ဟို...ပါပါးကဝယ်ပေးတာ
ဟို မမအတွက်လည်း ဒီနှစ်ခု ပေးလိုက်သေးတယ်"
Diorတံဆိပ်အိတ်နှစ်ခုကို Jueဆီကမ်းပေးလေသည်...အကိုသွေးကအိမ်လာလည်တိုင်း Zအိမ်တော်ကလူတွေကို လက်ဆောင်အမြဲဝယ်ပေးနေကျမဟုတ်ပါလား
သောတာလေးအားလည်း သူ့မွေးစားသားအဖြစ်ခေါ်သွားမည်ဖြစ်ပြီး ကလေးအတွက်လိုအပ်မည့်အရာရာကို ဝယ်ပေးလိုက်လေဟန်တူသည် အထုပ်ဆယ်ထုပ်ခန့်လည်းသောတာမှာပါလာလေသည်
အတွေးပင်မဆုံးသေး....အိမ်ဝန်ထမ်းနှစ်ယော်ကအခန်းဝလာရပ်၍
"Jue....သောတာလေးရဲ့ပစ္စည်းတွေ ဒီအခန်းထဲယူလာပေးရမလား သောတာလေးအခန်းထဲသွားပို့ပေးထားရမလားဗျ"
နောက်ထပ်ပါဆယ်အထုပ်နှစ်ဆယ်လောက်ဖြစ်နေ၍ Jueပင်မျက်လုံးပြူးမိလေသည်
အကိုသွေးကတော့ သူ့သားကိုအကုန်စတင်ဖြည့်ဆည်းပေးနေလေပြီက လိုလေသေးမရှိ
"သောတာလေးအခန်းထဲပဲသွားထားပေးလို်က်"
"ဟုတ်ကဲ့ဗျ"
Zအိမ်တော်မှာမြန်မာဝန်ထမ်းတွေများလေ၍ အတော်လေးအဆင်ပြေလေသည်
အတွင်းရေးလည်းလုံကြလေ၍ သိပ်အားကိုးယုံကြည်ရကြသည့်ဝန်ထမ်းတွေနှင့်ပြည့်နက်နေသည့် နေရာ
"အဟင်း...ဦးသွေးက သောတာအတွက်လိုရမယ်ရလေးတွေအကုန်ဝယ်ပေးလိုက်တယ်ထင်တယ်"
"သူ...ဟို...ပါပါးက စမ်းဝတ်ကြည့်ခိုင်း စီးကြည့်ခိုင်းပြီး ဘာမီလည်းမပြောဘူး အကုန်ဝယ်ပေးနေတာ
စောနက အကိုနှစ်ယောက်နောက်ကအထုပ်တွေသယ်လာကြတယ်ဈေးဝယ်တုန်းက...အိမ်ထဲရောက်မှ သားဖို့ဆိုပေးတာတဲ့မမရယ် အများကြီးပဲ ကြောက်တောင်လာပြီ...."
သောတာပုံစံလေးက ထိုပစ္စည်းတွေကိုလက်ခံယူလာရသည့်အတွက်အားနာတုန်ရီကာကြောက်လန့်နေခြင်းပြည့်နှက်နေဟန်....
