Title: Pagdadalamhati ng Pusong Sawi
Topic: Para sa mga broken hearted
Written By: risingservant
Maari mo ba akong bigyan kahit na kaunting pag-asa?
Upang hilumin ang puso mong puro pasa na?
Hindi naman ako gaya ng iba na isang pa-asa
Sana naman, puso mo'y aking muling mapagana
Sa pagsulyap ko pa lamang sa iyong mga mata
Puso ko'y binihag mo na
Hindi ako nagdalawang isip na lapitan ka
Lalo na't napansin kong mabigat ang iyong dinadala
Inabot ko sayo ang paborito kong panyo
Inaming nabihag mo agad ang aking puso
Pero ang pag-ibig ko sayo'y napako
Matapos bitawan ang katagang lumaslas sa aking puso
Ang tainga ko'y nagpanting
Para akong sinalakay ng isang libong pating
Iniisip kong sana'y isa na lamang akong daing
Para hindi na ako makaramdam pa ng hinaing
Hindi ko naman paglalaruan ang iyong puso
Hindi ko rin ito sasaktan na parang isang tuso
Bagkus, ako ang magtuturo
At pipigil, upang ito'y hindi na dumugo
Ang gusto ko lang naman ay mapasaya muli kita
Tulungang makalimutan ang mga nasawing ala-ala
Kaya sige, hahayaan ko muna ang puso mong magpahinga
Hanggang sa mapagtanto mo na ako'y mahal mo na
YOU ARE READING
WattMag: Spooky November Issue
RandomSpooky November issue will surely give you goosebumps. Enjoy reading. :) Cover Maker: @thelazyprince