Title: Noon at Ngayon
Topic: Gaano na ka-moderno si Maria Clara?
Written by: risingservant
Noon...
Maria Clara
Oh Maria Clara kay ganda mong dalaga
Halos lahat sayo'y nahahalina
Sa hubog ng iyong pigura
Mamahalin kang talaga
Totoo ngang konserbatibo kang dalaga
Pagdating sa pananamit mo'y rerespetuhin kang talaga
Pati na rin sa kilos mo
Sadyang kaaaliwan ng kahit sino
Sa pagbungisngis mong kay hinhin
Ito'y sadyang aming iibigin
Ngunit ngayon ay nasaan ka na?
Tila natalbugan ka na ni Mara Maldita
Halos lahat ng sayo'y naangkin niya na
Ngayon ay pinabayaan mo na, na siya ang magreyna
Tila namimiss ko na ang kinagigiliwan kong Maria Clara
Marahil sawa na ako sa pagpapantasya
Ang damit mong kay haba hanggang baba
Ngayo'y mistulang nagkulang pa sa tela ang haba
Ang konserbatibong ikaw
Naging Pilipinang hilaw
Naging wagas ka na rin kung makatawa
Tila ba walang mapaglagyan ang iyong tuwa sa tuwina
Sana'y maibalik ko pa ang tunay na ikaw
Para maging masaya na ulit tayo habang nakasakay sa kalabaw
-----
Ngayon...
Mara Maldita
Oh Mara Maldita napakaarte mong dalaga
Halos lahat sayo'y poot na poot na
Sa hubog ng iyong pigura
Kaiinisan kang talaga
Totoo ngang sosyal at maporma kang dalaga
Pagdating sa pananamit mo'y pag-uusapan kang talaga
Pati na rin sa kilos mo
Sadyang kamumuhian ng kahit sino
Sa pagbungisngis mong pagkalakas-lakas
Mapag-aalaman talaga naming ito'y wagas
Ngunit ngayon, nagrereyna-reynahan ka na
Tila natalbugan mo na si Maria Clara
Halos lahat ng sa kanya ay inangkin mo na
Ngayon ay inaapi-api mo pa siya
Tila sawang-sawa na akong makita ang katulad mong dalaga
Marahil ay nauumay na ako sa pagpapantasya
Ang damit mong spaghetti na ka'y ikli
Tinernohan pa ng short shorts na hindi man lang umabot sa dangkal o maski na daliri
Ang boyfriend ng iba
Inaagaw mo na
Tila Hindi ka na nakuntento
Kaya kung makaagaw ay todo-todo
Sana'y magbago ka na
Upang ang lahat ay makasundo mo sa tuwina
-----
Gaano na nga ba ka-moderno si Maria Clara?
Noon, ang mga babae ay nagsusuot ng mahabang damit. Talagang masasabi mong konserbatibo at karespe-respeto. Sapagkat noon, kapag nakita mo ang sakong ng isang babae, kailangan mo siya kaagad pakasalan.
Ngayon, magugulat ka na lang na kahit saan ka dumako, halos litaw na ang laman at kaluluwa ng isang babae. Kadalasan, dahil sa modernong pananamit, marami ang napapahamak. Ang nakakalungkot lang sa panahon ngayon, nakuha na ng lalaki ang sagradong bagay ng isang babae, hindi pa rin sila nagpapakasal o napapanagutan man lang.
Sadyang napakalaki na ng pinagbago ni Maria Clara sa panahon ngayon. Kung ating susumahin, 10% ang konserbatibo at 90% ang masyado ng moderno.
Sa mga kakabaihan, kung gusto niyong respetuhin kayo ng ibang tao, ayusin niyo ang sarili niyo. Marami ang napapahamak sa panahon ngayon lalo na sa usapang pananamit. Magsuot kayo ng desente at yung karespe-respeto para hindi kayo mabastos kapag dumaan sa mga kanto.
Mas mainam pang masabihan ng baduy at manang manamit kaysa naman ipagsigawan mo, at itambad sa buong mundo ang inyong katawan at pagpipiyestahan ng kahit sinong dumaan.
Our body is the temple of the Holy Spirit kaya pangalagaan natin ito.
BINABASA MO ANG
WattMag: Spooky November Issue
RandomSpooky November issue will surely give you goosebumps. Enjoy reading. :) Cover Maker: @thelazyprince