ရှစ်ရက်မြောက်နေ့-
မိုး- ဝါး! ပင်လယ်နံ့တွေကိုအခုထဲကရနေပြီ
လေကောင်းလေသန့်ရှူဖို့ ကားဘေးမှန်ကိုဖွင့်လိုက်တာနဲ့ ပင်လယ်နံ့ရတာမို့ ကျွန်မတို့ပင်လယ်နဲ့နီးလာပြီဆိုတာ သိလိုက်ရတယ်။ ဒီနေ့ ကျွန်မနဲ့မိုင်နှစ်ယောက်ထဲ ပင်လယ်ဘက်ကို နှစ်ညအိပ်ခရီးထွက်လာကြတယ်။ ပုံမှန်ဆို မိုင်က ကားမမောင်းပေမယ့် နှစ်ယောက်ထဲသွားချင်တယ်လို့ကျွန်မပူဆာတာနဲ့ သူကိုယ်တိုင်ကားမောင်းလေရဲ့။ ကားကိုတော့ မိုင့်ရဲ့အစ်ကို၀မ်းကွဲဆီက ခနငှားလာတာပေါ့။ တကယ်ဆို မိုင်ကားမောင်းတတ်တာကို ကျွန်မသိတောင်မသိခဲ့ဘူး။ သူကလည်းမပြောပြခဲ့ဘူးလေ။ ကျွန်မ ဂျပန်ထွက်သွားတုန်းက စိတ်ပြေလက်ပျောက်သင်ထားတာတဲ့။
မိုင်- မိုးလည်း အရင်ကပင်လယ်မရောက်ဖူးဘူးလား
မိုး- တစ်ခေါက်တော့ရောက်ဖူးတယ် ဖေဖေမဆုံးခင်တုန်းက ဖေဖေနဲ့အတူသွားခဲ့တာ ဖေဖေမရှိတော့တဲ့နောက်ပိုင်း ထပ်မသွားဖြစ်တော့ဘူး အမှတ်တရတွေအများကြီးမို့လို့သွားရင်သတိရပြီး ငိုနေမိမှာ
မိုင်- ကိုယ်သွားချင်တယ်ပြောတော့ ဘာလို့လက်ခံတာလဲ
မိုး- ဖေဖေကတွေ့ချင်မယ်ထင်လို့လေ မိုင့်ကို
မိုင်- မိုးအဖေသာ ကိုယ့်ကိုတွေ့မယ်ဆိုရင် ဘာပြောမယ်ထင်လဲ
မိုး- ရုပ်ဆိုးလိုက်တာပြောမှာပေါ့ ဟားဟား
မိုင်- နောက်တယ်ဟုတ်လား တွေ့မယ်နောက်မှ အခုကားမောင်းနေလို့ လွတ်သွားတယ်မှတ်ပါ
မိုး- နောက်တာကိုစိတ်ကြီးပဲ ဖေဖေဘာပြောမလဲတော့မသိပေမယ့် သေချာတာကတော့ မိုင့်ကိုကြည်ကြည်ဖြူဖြူနဲ့လက်ခံမယ်ဆိုတာပဲ
မိုင်- ကိုယ်တို့အမေတွေလိုပေါ့ အဟင်း
"မိုင့်အမေကိုလည်း အဲ့ထဲပါစေချင်တာပေါ့"ဆိုတဲ့စကားကိုတော့ ကျွန်မစိတ်ထဲကပဲပြောလိုက်တယ်။ ကျွန်မမိုင်နဲ့အတူရှိနေဖို့ရက်ကသိပ်မကျန်တော့ဘူး။ ကျန်တဲ့အချိန်လေးမှာ ၀မ်းနည်းစရာတွေမတွေးတာပဲကောင်းပါတယ်။ ပျော်ရမယ့်အချိန်မှာ ပျော်ထားမှ ကျွန်မနောက်ဆံတင်းမနေမှာ။
YOU ARE READING
ဤမျှသာ
Romance~~အချစ်ဆိုတဲ့အရာဟာ မိန်းကလေးနှစ်ယောက်ကြားမှာလဲဖြစ်ပေါ်တတ်တာပါပဲ~~ "အရင်ကမသိခဲ့ဘူး နင့်အတွက်နဲ့အဲ့လောက်စွန့်စားရဲမှန်း" (မိုးမြတ်သခင်) "ဆိုးသွမ်းတဲ့ငါက ယဉ်ကျေးလာတယ်ဆိုရင် အဲ့ဒါမင်းကြောင့်ပဲဖြစ်လိမ့်မယ်" ...