MYSTICAL ACADEMY: Play with Fire

CHAPTER 21

AUTHOR'S NOTE: buong chapter 21 moments lang nila ito kaya wag kayong magulo HAHAHHAHAHAHAHAHAHHAHAHAH!

RAINI

"Bahay mo ito?" hindi ko maitago ang pagkamangha habang inililibot ang tingin sa bawat sulok ng bahay niya.

Sobrang laki naman kasi!

Syempre nung bahay. mas malaki pa ito kaysa classroom namin. pagpasok namin kanina, unang bumungad sa amin ay yung malaki niyang kama. naghihinala na nga ako na baka isang prinsipe talaga ang nakatira dito. walang paa ang kama niya dahil nakalutang iyon dahil sa isang makapal na kulay puting lubid. now i know kung bakit lagi namamalagi si Chalter dito pag lunch time. kahit ako naman ang nakatira sa ganito kagandang kwarto, hindi na talaga ako lalabas kahit nagpapatayan na labas ng academy.

Puti at pula ang nakikita kong kulay sa paligid. hindi niya naman mukhang favorite color iyon noh? amoy expensive ang kabuuan ng bahay niya.

Bumungad sa amin ang tanawin na nasa ibaba ng bundok nang hawiin niya ang malaking kurtina. sa likod pala ng kurtina ay isang malaking glass wall, dahil nasa itaas ng bundok ang Academy kitang kita ang tanawin sa ibabang bundok. bukas ang bibig na lumapit ako doon para makitanaw.

"Tagaytay feels." wala sa sariling sambit ko.

Bumaba ang tingin ko sa isang gintong vase na nasa gilid ko. alam ko na totoong ginto ito dahil wala namang fake sa lugar na ito.

Ang sarap palang pasukin nang bahay ni Chalter sa gabi habang natutulog siya. maraming gamit ang pwede ko isanla at ibenta, gawin ko kaya?

"Aperi lucem." napalingon ako nang magsalita si Chalter.

Ano daw?

Bumukas na naman ang mga labi ko sa pagkamangha nang umilaw ang mga naglalakihan na chandelier sa itaas ng kisame. dahilan para mas lalo lumiwanag ang paligid, mas malinaw ko tuloy nakita ang kabuuan ng bahay.

"Wow." isinampal niya lang naman sa akin kung gaano ako kahirap. lintek, high tech!

"Volo discumbere." wika niya gamit sa salitang latin.

Umangat ang kama pataas kasabay nang pagbukas ng kisame. pumasok ang kama doon bago ito magsara. iniluwa naman ng pader ang isang malapad at malaking sofa. pumalit iyon sa pwesto kung nasaan ang kama kanina.

Pasalampak na umupo si Chalter doon habang naiwan naman ako na laglag parin ang panga. ganito siya ka spoiled ni Mr. Themis para bigyan ng ganitong klase kagalante na bahay at kagamitan? si Mr. Themis nalang sana ang maging tatay ko sa next life, kung mayroon ngang ganoon. 

"Come here." tinapik niya ang sofa na para bang inuutusan ako na maupo sa tabi niya.

Hindi ako nakaramdam ng ilang para lapitan siya at umupo sa tabi niya. baliktad nga, imbes na mailang ako pakiramdam ko komportable pa ako.

Weird.

Nilingon ko siya nang makaupo ako sa tabi niya. naka side view siya kaya kitang kita ko ang mapipilantik niyang pilikmata at yung matangos niyang ilong. gusto ko tuloy takpan ilong ko, nakakahiya naman sa pointed nose niya pero hindi ko naman masasabi na pango ako. cute lang ilong ko, tama lang yung tangos niya hindi nakakasaksak.

"Okay ka na ba?" nagtagpo ang mga mata namin nang lingunin niya ako.

"Yeah." tipid niyang sagot habang tumatango.

Kahit sinabi niya na ayus lang siya habang kitang kita ko yung mga sugat niya sa iba't ibang parte ng katawan, nakokonsensya talaga ako. hindi ko mapigilan na sisihin ang sarili ko.

"Sa akin dapat yang mga sugat mo eh." nagbaba siya ng tingin sa braso niya nang mapansin na doon ako nakatingin.

"Gusto mo ba? hindi ako makikipag-agawan." napairap ako nang bahagya niyang inilapit ang braso niya sa akin.