Camp Horizon (Filipino Dystopian Novel)

CHAPTER 30 - ?

Matapos kong makita ang isang brass knuckles sa isang lamesa, ang tatlong time bomb na nakatago sa loob ng isang jewelry shop, at ang napakalaking fuel tank na nakatago sa basement ng Mall ay kaagad na akong bumalik sa first floor upang maghanap ng makakain. Medyo nagugutom na rin ako dahil sa loob lamang ng isang oras ay napakarami ko nang nagawa katulad ng paglalagay ng time bomb sa ilalim ng bus. Nag-ingat din ako dahil sa lugar na 'yon naganap ang mga napakalakas na barilan kanina.

Kaya ko naisipan na maglagay ng time bomb dahil alam ko naman na magiging desperado ang karamihan na makatakas dito. Matapos 'non. Nagtungo naman ako sa isang kainan sa labas ng mall. Binasag ko ang pintuan nito at dali-dali akong nagtungo sa ref upang kunin ang mga cupcakes. Pero matapos kong mabuksan ang refrigerator ay may nakita akong isang 12 inches na bread knife sa tabi ng mga cupcakes. Dali-dali ko itong kinuha at inilagay ko kaagad sa pagitan ng pantalon at underwear ko.

Mabilis ko lang inubos ang pagkain at muli na akong lumas upang maghanap ng taong mauuto ko.

Kaya ang ginawa ko ay naglakad-lakad ako sa loob ng mall at nagpanggap na inosente. Napakalayo na rin ng nalakad ko hanggang sa nakita ko ang matandang lalaki at ang isang batang babae. Magkasama sila na parang mag-lolo lamang. Lumapit pa ako sa kanila hanggang sa inumpisahan ko na ang pang-uuto.

"Hello po sa inyo. Naliligaw ba kayo?" Biglang napatingin ang dalawa sa akin na parang takot na takot. "Ay juskuuuu. Wag mu kaming patayin. Parang awa mu na."

"Ayy. Hindi po ako ako masama. Wag po kayong matakot sa akin." Tugon ko,

Nagsalita naman ang batang babaeng kasama niya. "Mabuti naman po. Nagpapatulong po kasi siya magpunta sa CR. Ihing ihi na po kasi siya."

Nagpakumbaba akong sumagot sa kanya pero sa kaloob-looban ko. Gusto ko na silang patayin pero bigla akong napatingin sa CCTV Camera sa kisame dahil nakatutok ito sa amin ngayon. "Ahh. Ehh. May nakita akong CR malapit sa EXIT patungo sa Ferris Wheel. Pwede ko kayo samahang magtungo doon."

"Maraming salamat iha. Gustung gustu ku na talagang umihi sa lalong madaling panahun." Sagot ng matandang lalaki.

"Tara na po." Hanggang sa naglakad na kami patungo sa banyo. Paglipas ng ilang minuto ay tuluyan na kaming nakarating na lugar na pupuntahan namin. Pagpasok namin sa loob ng banyo ay nagpaiwan sa labas ang batang babae. Hindi ko naman namalayan na sa banyo pala ng mga babae makakapasok. "Ayy. Para pala sa mga babae ang pinasukan natin. Pero ayos lang naman po na dito kayo umihi dahil mas malinis dito kung ikukumpara sa banyo para sa mga lalaki."

"Sige iha. Maraming salamat sa pagtuturo ng direksyon sa'min." At tuluyan na niyang isinara ang pintuan. Pero habang nasa loob pa siya ay nakatingin naman sa akin ang batang babaeng kasama niya na nasa harapan lamang ng banyo. At pagkalipas pa ng ilang saglit ay pasimple kong isinuot ang brads knuckles na napulot ko kanina sa daan. Desedido na ako sa plano ko para sa kanila. Narinig ko naman ang flush ng inidoro at mukhang tapos na siya sa pag-ihi.

Saktong pagbukas niya naman ng pintuan ay ginawa ko na ang bagay na kanina pa bumubulong sa isipan ko.

"Maraming salamat sa paghihintay ih..." Sinuntok ko siya ng napakalakas hanggang sa bigla siyang napa-atras at tumumba. Nakita ko na dumugo ang kanyang pisngi sa mukha at nahihirapana na siyang makatayo. Hindi inaasahan ng batang babae ang gagawin ko at sa sobrang gulat niya ay napatili siya ng napakalas.

Ang sumunod ko na ginawa ay hinabol ko siya. Tumitili siya habang tumatakbo habang ako naman ay natatawa lamang. Dahil bata lamang siya ay napakabagal pa niyang tumakbo. At sa sobrang pagkataranta niya ay bigla siyang lumiko at nagtago sa loob ng isang botique. Hinabol ko pa rin siya hanggang sa naabutan ko siyang nagtatago sa loob ng isang dressing room. Umiiyak siya at nagmamaka-awa na huwag ko siyang sasaktan.