Unicode
ရုံးချုပ်ထဲတွင်ရှိသော လူပေါင်းစုံမှာ တွေးချင်ရာတွေးနေကြသောကြောင့် အသံပေါင်းစုံရောထွေးနေ၏။ သို့သော် ဆံပင်တိုနှင့်လူ၏ စကားသံက ထိတ်လန့်စရာကောင်းသောကြောင့် ချီချင်း တခြားစကားသံတို့ကိုမကြားတော့ပဲ စောစောကအသံသာ ပဲ့တင်ထပ်နေသည်။
~~~ ငါ သူ့ကို တိတ်တိတ်လေး စောင့်ကြည့်နေတာ~~~ထိုသူ၏ အသံမှာ တော်တော်လေးနိမ့်ကာ အရူးတစ်ယောက်၏စကားသံကဲ့သို့ ချီချင်းနားထဲ ဝင်နေသည်။
အတော်လေးကြာတော့မှ ချီချင်း သူ့လက်သူ အင်္ကျီအိတ်ထဲ ပြန်ထည့်သည်။ ထို့နောက် မတ်တပ်ရပ်ရင်း ကျိမင်ရွေ့ကို ပြောလိုက်သည်။
" လူသတ်မှုဖြစ်ခဲ့တဲ့နေရာကို မင်း သွားကြည့်ပြီးပြီလား"ချီချင်းတွင် ကျိုးကြောင်းဆီလျော်စွာ တွေးနိုင်သည့်အရည်အချင်းရှိသလို အရင်တစ်ခါကြောင်သတ်မှုတွင်လဲ အကူအညီများစွာ ပေးထားသည့်အတွက် အမှုနှင့်ပတ်သက်သော အကြောင်းအရာကို သူ့ဘက်မှ စကားစသော်လဲ ကျိမင်ရွေ့ မအံ့ဩ။
" အကြမ်းဖျင်း စစ်ဆေးပြီးတဲ့အချိန် ဘာပြဿနာမှတော့မရှိ.."ချီချင်း : "မူမမှန်တာ ဘာမှမရှိဘူးလား"
ကျိမင်ရွေ့ : " ဘာလို့ မေးတာလဲ"
" ဘာမှမဟုတ်ပါဘူး"
ချီချင်းက ပြန်ဖြေသည်။
" အရင်က ဖတ်ခဲ့ဖူးတဲ့ ပုံပြင်ကို သတိရမိသွားလို့ပါ"" ပုံပြင်??"
ချီချင်းက သရဲပုံပြင်များကို မျက်နှာတည်တည်နှင့် အသံမတုန်ပဲ ပြောနိုင်စွမ်းရှိ၏။
" မိန်းကလေးတွေကို စာပို့ပြီး အနှောင့်အယှက်ပေးတတ်တဲ့ လူတစ်ယောက်အကြောင်းလေ.. သူက အဲ့ဒီ့မိန်းကလေးရဲ့ အိမ်ဘေးမှာနေပြီးတော့ နံရံမှာအပေါက်ဖောက်ပြီး မိန်းကလေးရဲ့ လှုပ်ရှားမှုတိုင်းကို စောင့်ကြည့်နေတာ"ကျိမင်ရွေ့လဲ အဆိုပါပုံပြင်တိုလေးကို နားထောင်ပြီးနောက် အတွေးပေါက်လာသည်။
" မင်းပြောတာ ဖြစ်နိုင်တယ်ကွ.. အဲ့လိုအမှုမျိုးကို အရင်က ငါလဲ ကြုံဖူးတယ်.. တချို့လူတွေက သူများကို ရိုးရိုးတန်းတန်းအနှောင့်အယှက်ပေးတာ အားမရလို့ မတရားနည်းလမ်းနဲ့ နီးစပ်အောင် ကြိုးစားတတ်ကြတယ်တဲ့.. ဟာ.. မင်း ဘယ်သွားတာလဲ"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...