အန္တရာယ်ရှိသော စရိုက် - ဘာသာပြန်

Chapter 82- နားကပ်

Unicode

ဝူကျိမှာ တစ်ညလုံး အရက်နာကျနေပြီးနောက် မနက်နိုးလာတော့ ရှဲ့လင်ထံမှ ပို့ထားသော စာကို တွေ့လိုက်ရသည်။
" မင်းပေးတဲ့အကြံက အကြံကောင်းပဲကွ"

"..."
ဝူကျိလဲ ဘယ်အကြံကို ပြောမှန်း အတော်ကြာကြာ စဉ်းစားလိုက်ရသည်။

သူပဲ ပေးခဲ့တဲ့အကြံ မဟုတ်ဘူးလား...

ရှဲ့ကော အခုတလော မှတ်ဉာဏ်သိပ်မကောင်းတော့တာပဲ ဖြစ်မယ်...

ထို့နောက် အောက်ဆွဲချတော့ နောက်ထပ်စာတစ်ကြောင်း တွေ့လိုက်ရသည်။
" မနက်ဖြန်ကျရင် မင်း နည်းလမ်းရှာပြီး ရဲစခန်းကို ဖုန်းဆက်လိုက်.. အရာရှိကျိကနေတဆင့် ငါ့လက်ထောက်ကို လှမ်းခေါ်ပေး"

ရှဲ့လင်က ချီချင်းကို အပြင်ခေါ်ထုတ်ရန် နည်းလမ်းရှာနေခြင်းသာ ဖြစ်သည်။ သူတစ်ယောက်ထဲ အပြင်ခေါ်ထုတ်ဖို့က ခက်ခဲနိုင်သည်။ ချီချင်း၏ အကျင့်နှင့်ဆို အပြင်မထွက်ရန် ဖြစ်နိုင်ချေ ပိုများသည်။

လူများနိုင်သလောက် များများ ရှာရပေမည်။

ဝူကျိက ရှဲ့လင်ကို ဖုန်းခေါ်သည်။ သူ့စိတ်ထဲ လူတိုင်း၏ မွေးနေ့များကို ဖယ်ထားလိုက်ရသည်။
" အခုတလော ဘယ်သူ့မွေးနေ့မှ မရှိဘူး.. ပြီးတော့ နိုင်ငံခြားက ပြန်ရောက်လာတဲ့သူတွေ ဘာတွေလဲ မရှိဘူး... ဘာမှမှ လုပ်လို့မရတာ ကျွန်တော်က ဘာအကြောင်းပြပြီး ခေါ်ထုတ်ရမှာလဲ"

ရှဲ့လင် : " မင်းရှာရင် နည်းလမ်းရှာတွေ့မှာ... ဘာပဲဖြစ်ဖြစ် ဒီကိစ္စ မင်းကို လွှဲပေးလိုက်ပြီ"

.......

ချီချင်းတစ်ယောက် ဧည့်ခန်းထဲ ထိုင်ရင်း စာဖတ်နေသည်။ ထိုအချိန် သူနှင့် စကားပင် သေချာမပြောဖူးသော ရှဲ့လင်၏ သူငယ်ချင်း ဝူကျိဆိုသူက သူ့ကို စာနှင့် ဆက်သွယ်လာ၏။

ဝူကျိ : "ဟဲလို"

ချီချင်း : "ကိစ္စရှိလို့လား"

ရှဲ့လင်၏ ခြိမ်းခြောက်မှုကြောင့် ဝူကျိလဲ မရိုက်ချင် ရိုက်ချင်နှင့် စာရိုက်လိုက်ရသည်။
" ဒီနေ့... လွန်ခဲ့တဲ့ ရက်ပေါင်းတစ်ထောင်က ဒီနေ့မှာ.. ကျွန်တော် အချစ်ကို ပထမဆုံး ရှာတွေ့ခဲ့တာဗျ... ဒီပထမဆုံးအချစ်ကို အမြဲအမှတ်ရနေဖို့ ကျွန်တော် ပါတီလေးတစ်ခု လုပ်ချင်ပါတယ်.. အဲ့ဒါ ခင်ဗျားရယ် အရာရှိကျိနဲ့ တခြားသူတို့ ကျွန်တော့်ပါတီကို အတူလာဖို့ ဖိတ်ခေါ်လိုက်ရတာပါဗျ"