Unicode
(Not safe for work .. Abortion content)
သီးသန့်ခန်းတစ်ခုလုံး တိတ်ဆိတ်သွားခဲ့သည်။ သန့်စင်ခန်းထဲ သွားအန်၍ ပြန်ရောက်လာသော ဝူကျိမှလွံ၍ ကျန်သုံးယောက်မှာ ခေါင်းချင်းဆိုင်၍ ကြောင်အနေကြ၏။
ဝူကျီပင်း : " လူသတ်သမားက ဘာလို့ မျက်နှာကို ဆွဲခွာသွားတာလဲ"
ရှဲ့လင် : " အတိအကျ ပြောလို့မရဘူးဗျ.. ဖြစ်နိုင်ချေတွေ အများကြီးရှိတယ်.. သေဆုံးသူရဲ့အကြောင်းကို လူမသိစေချင်လို့လဲ ဖြစ်နိုင်တယ်.. တခြားဖြစ်နိုင်တာတွေလဲ ရှိသေးတယ်... ဥပမာ လူသတ်သမားအများစုက သူတို့အမှုတွေမှာ 'ဆုတံဆိပ်' တွေ စုဆောင်းတတ်ကြတယ်.. ဆုတံဆိပ်အများစုက အလောင်းကောင်တွေထဲက လာကြတာ.. ခန္ဓာကိုယ် အစိတ်အပိုင်းတစ်ခုခုပေါ့"
ချီချင်းက စားပွဲပေါ်တင်ထားသော အရံဟင်းပွဲကို တူနှင့်ထောက်ရင်း ပြောလိုက်သည်။
" ဒီဝက်အူချောင်းလိုပေါ့.. အခြောက်လှမ်းပြီး မျက်နှာအခွံကို အလှချိတ်ထားလို့ ရတယ်လေ"ဝူကျိ : "..."
ဝူကျိတစ်ယောက် တိတ်တဆိတ် ပြန်ထွက်သွားရန် စဉ်းစားနေသည်။ ထို့ကြောင့် တံခါးအပြင်ကို ခြေဦးတည်ကာ ပြန်ပြောလိုက်၏။
" ဟို.. ဟို.. ကျွန်တော် သန့်စင်ခန်း သွားမလို့.. မဟုတ်ဘူး... ကျွန်တော် ခုနက သန့်စင်ခန်းသွားနေတုန်း သူငယ်ချင်းတစ်ယောက် လှမ်းခေါ်လို့ .. အဲ့ဒါ သူ စောင့်နေတာမို့လို့ သွားတော့မယ်နော်"ရှဲ့လင်က ထမင်းဖိတ်ကျွေးသူပီသစွာ လက်ရမ်း၍ လှမ်းခေါ်သည်။
" ဗိုက်ပြည့်လို့လား.. ဝက်အူချောင်းနည်းနည်းလောက် ထပ်စားဦးလေ"ဝူကျိ : " ဝေါ့.. ပြည့်.. ပြည့်ပြီ.. လျှံတောင်ကျတော့မယ်"
ဝူကျိ ထွက်သွားပြီးတော့မှ ဝူကျီပင်းက စကားစသည်။
" အဲ့ဒီ့တော့ ကြည့်ရတာ ယင်းဝမ်ရူလုပ်တာ မဖြစ်နိုင်တော့ဘူး"ယင်းဝမ်ရူကို အသေးစိတ် စစ်ဆေးခဲ့ကြပြီးဖြစ်၏။ သူမကဲ့သို့ နာမည်ကျော်ကြယ်ပွင့်တစ်ယောက်မှာ လူမြင်ကွင်းတွင် ရှိနေသည်က ပိုများသည်။ ထို့အပြင် အမှုဖြစ်သည့်နေ့က တကယ်ပင် မြို့ထဲတွင် ရှိမနေခဲ့။ ကီလိုမီတာထောင်ပေါင်းများစွာတွင်ရှိသော နေရာတွင် ရောက်နေခဲ့သည်။ လင်းအန်မြို့တွင် ပြုလုပ်သည့် ပရဟိတပွဲတစ်ပွဲတွင် သူမရောက်နေကြောင်း ဗီဒီယိုသက်သေ ဓာတ်ပုံသက်သေမြောက်မြားစွာ ရှိနေသည်။
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...