Unicode
ရန်ချင်း အလုပ်လုပ်သည့်နေရာမှာ ဒီလောက်နီးနီးလေးဖြစ်မှန်း ချီချင်းမသိ။ ထို့ကြောင့် နှုတ်ဆက်ရုံလောက်သာ နေ၍ ပြန်မည်ဟု တွေးထားသည်။ ရှဲ့လင်လုပ်နေပုံက သူ့အတွေးနှင့် ဆန့်ကျင်ဘက်ပင်။ စောစောက လူအုပ် ထွက်လာသည့်အချိန် ချီချင်းကို သူ့ဘက်ဆွဲထားလိုက်သေးသည်။
" အလောတကြီး ပြန်စရာမလိုပါဘူး.. အရာရှိဆုနဲ့ အရာရှိကျိက CCTV မှတ်တမ်းတွေ ဒီလောက်ကြာအောင် ကြည့်နေရတာ.. ကိတ်လေးနည်းနည်း ဝယ်သွားရအောင် .. မိန်းကလေးရန်ရဲ့ ဆိုင်ကိုလဲ အားပေးတဲ့ အနေနဲ့ပေါ့"
ကိတ်မုန့်ဆိုင်လေးမှာ ခရင်မ်ရနံ့ချိုချိုလေးများ ပျံ့နှံ့၍ သန့်ရှင်းသပ်ရပ်နေသည်။
ရှဲ့လင် : " မင်း သူငယ်ချင်း ဘယ်အရသာမျိုးကို ကြိုက်လဲ"
ကျိမင်ရွေ့၏ ကြမ်းတမ်းရိုင်းစိုင်းခဲ့သည်ကို ပြန်တွေးကြည့်ရင်း ချီချင်းက ပြန်ဖြေသည်။
" အကုန်စားတယ်.. မသေရင်ပြီးရော"
ရှဲ့လင်လဲ မိန်းကလေးများ ကြိုက်လောက်မည့် ဒိုးနပ်တစ်ခုကိုပါ ဆုရှောင်းလန်အတွက် ရွေးလိုက်သည်။
စောင့်ကြည့်ခန်းထဲမှ ကျိမင်ရွေ့တစ်ယောက် နှာထချေသည်။
" ဘယ်သူငါ့အကြောင်းပြောနေလဲမသိဘူး"
ရှဲ့လင်က ဒိုးနပ်နှစ်ခုကို ရွေးပြီးနောက် ရန်ချင်းကို ကိတ်မုန့်ရွေးပေးရန် တောင်းဆိုလိုက်သည်။
ရန်ချင်းမှာ ကိတ်မုန့်များအားလုံးကို သေသေချာချာ လေ့လာထားပုံရသည်။
" ဒီတစ်ခုက တိရစ္ဆာန်ခရင်မ် ၈၀ရာခိုင်နှုန်းလောက်ပါတယ်.. အပေါ်ပိုင်းကို လတ်လတ်ဆတ်ဆတ် စတော်ဘယ်ရီသီးနဲ့ အုပ်ထားတာ... ချိစ်နဲ့ စပျစ်သီးခြောက်အသားညှပ်မုန့်တွေလဲ ရှိပါတယ်.. ခရမ်ဘယ်ရီသီးကတော့ အချိုအနေတော်ပဲ သိပ်မအီဘူး.. ကျွန်မတို့ဆိုင်မှာ အကောင်းဆုံးပဲ.. အခုတောင် နောက်ဆုံးနှစ်ခုပဲ ကျန်တော့တာ"
" ကောင်းသားပဲ.. ကျန်တဲ့နှစ်ခုကို ယူလိုက်မယ်"
ရှဲ့လင်က ပြုံးပြုံးလေးနှင့် စကားစမြည်ပြောလိုက်သေးသည်။
" ဆိုင်နေရာပြောင်းလိုက်တော့ အလုပ်အကိုင်ရော အဆင်ပြေရဲ့လား"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
