Unicode
ကျိမင်ရွေ့နှင့် ချီချင်းတို့နှစ်ယောက်သား ဖုန်းချပြီးသွားတော့ နှစ်ယောက်လုံး အတွေးကိုယ်စီနှင့်။
ရလဒ်အနေနှင့် နောက်တစ်ရက်တွင် ပို၍ နားလည်ရခက်သော ဖြစ်ရပ်တစ်ခု ဖြစ်လာခဲ့သည်။
ရဲစခန်းကတော့ ထုံးစံအတိုင်း အလုပ်ရှုပ်မြဲဖြစ်၏။ ကျိမင်ရွေ့တစ်ယောက် တစ်နေကုန် ဖုန်းလက်ခံပြောနေရသည်။ သို့သော် အရင်တစ်ခေါက် လူသတ်မှုနှင့် ယှဉ်ကြည့်ပါက ထိုပြဿနာလေးများမှာ အသေးအဖွဲသာ ဖြစ်သည်။ ထိုအထဲတွင်မှ ရင်းနှီးနေသော ရည်းစားနှင့်ကွဲခဲ့သည့် ကောင်လေးတစ်ယောက် ရှိနေသေးသည်။
" ရဲဦးလေးကြီး... ကျွန်တော်နဲ့ ကျွန်တော့်ကောင်မလေးတို့ ပြန်အဆင်ပြေသွားပြီ သိလား .. ကျွန်တော်တို့ လက်ထပ်ကြတော့မှာ အဲ့ဒါ ဦးလေးကြီးကို ဖိတ်ချင်လို့ပါ"
ကျိမင်ရွေ့ : "..."
" မင်း သေချာရော တွေးပြီးပြီလား.. လက်ထပ်ပြီးသွားရင် ကွာရှင်းဖို့ခက်တယ်နော်"
" သေသေချာချာ တွေးပြီးပါပြီဗျာ... ကျွန်တော့်ဘဝတစ်ဝက်လောက်က သူ့ဆီမှာပဲ တွယ်ကပ်နေခဲ့တာ.. တခြားသူကို လက်ခံဖို့ဆိုတာ မဖြစ်နိုင်တော့ပါဘူး"
"..."
ကျိမင်ရွေ့ ဆွံ့အနေသည်။
" မင်းတို့ ပျော်ရွှင်စေဖို့ ဆုတောင်းပေးပါတယ်.. မင်္ဂလာဆောင်အထိတော့ ဖိတ်စရာ မလိုပါဘူး*
" ကျွန်တော် ဖြစ်ချင်တာက ရဲဦးလေးကြီး ကျွန်တော်တို့နှစ်ယောက်ရဲ့ အချစ်ကို မျက်မြင်တွေ့စေချင်တာပါ... ကျွန်တော်တို့အချစ်သက်သေ လုပ်ပေးပါနော်"
သူကပဲ သက်သေလုပ်ပေးနေရတော့မှာလား...
အဲ့ဒါကလဲ တစ်တွဲထဲမဟုတ် နှစ်တွဲတောင်????
ကျိမင်ရွေ့လဲ အလုပ်မှတ်တမ်းကို ကြည့်ရင်း ဘာဖြည့်ရေးရမလဲ မသိတော့။
" ဟဲလို.. လိုင်းကျသွားတယ်နဲ့တူတယ်... အသံ ကြားရသေးလားလို့"
တစ်ဖက်လူ၏ အသံထွက်လာသည်။
" လိုင်းကောင်းပါတယ်ဗျ... ကျွန်တော် ကြားရတယ်"
" ဘာ...ဘာပြောလိုက်တာလဲ.. ဘာသံမှ မကြားရတော့ဘူး"
ကျိမင်ရွေ့က မကြားချင်ယောင်ဆောင်၍ ဖုန်းအတင်းချလိုက်သည်။
" ဟဲလို.. ဟဲလို.. အဲ့ဒါဆိုလဲ နောက်မှ ဆက်ပြောတော့မယ်နော်"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
