Unicode
ယဲမိသားစု၌
ယဲယင်လန်သည် ရောင်ကိုင်းနေသော သူမမျက်နှာကို အုပ်ထားကာ မျက်လုံးများကလည်း နီရဲနေသည်။
"ယဲဖန်က မင်းကို ရိုက်လိုက်တာလား" ယဲတင်းဟုန်က မေးသည်။
ယဲယင်လန်က ခေါင်းငြိမ့်ပြီး "အွန်း" ဟု သနားစရာကောင်းအောင် ပြောလိုက်သည်။ ဝမ်ရှောက်ဖေးသည် ယဲယင်လန်၏ရုပ်ကို ကြည့်ရင်း သူမနှလုံးသားက နာကျင်လာသည်။
"အဖေ အဲ့လူယုတ်မာက ပိုပိုပြီး လူရယ်စရာဖြစ်နေပြီ။ ပြီးခဲ့တဲ့တစ်ခေါက်တုန်းက ကြီးကြီးကျယ်ကျယ်လုပ်လိုက်တယ်။ အခုကျတော့လဲ သူ့ညီမကိုတောင် ရိုက်လာပြီ" ယဲဟုန်ဝမ်သည် ဒေါသတကြီး ပြောသည်။
ယဲတင်းဟုန်သည် သူ့စီးကရက်ငွေ့ကို မှုတ်ထုတ်ကာ ယဲယင်လန်ကို မေးလိုက်သည် "ယဲဖန်က မင်းကို ဘာလို့ရိုက်တာလဲ။ အကြောင်းပြချက်တော့ ရှိသင့်တယ်"
"သူ့ကို ဆေးဆိုင်မှာ တွေ့လိုက်တယ်။ သူက ဂျင်ဆင်းတစ်ခုကို ယွမ်သုံးသန်းနဲ့ဝယ်လိုက်တာကြောင့် ပိုက်ဆံဘယ်ကရလဲမေးတာကို သူက ရိုက်လိုက်တယ်" ယဲယင်လန်သည် ရှုံတွနေသော အမူအရာဖြင့် ပြောလိုက်သည်။
ယဲဟုန်ဝမ်သည် အနည်းငယ် စိတ်ရှုပ်ထွေးပြီး "ယွမ်သုံးသန်းလား။ သူ ဘယ်က ပိုက်ဆံရတာလဲ" ယဲဖန်က လက်ဗလာနဲ့ မိသားစုကနေ နှင်ထုတ်ခံထားရတာလေ။
"ကောင်းပြီ။ ဒါက ယွမ်သုံးသန်းပဲလေ။ ဝူမိသားစုက မကြာခဏ သူ့ကို အကူအညီပေးတယ်လို့ ငါကြားတယ်။ ဘယ်လိုပဲဖြစ်ဖြစ် သူက ငါတို့ယဲမိသားစုရဲ့ သားပဲလေ။ သူ့မှာ ယွမ်သန်းအနည်းငယ်လောက် ရှိတာ ပုံမှန်ပဲလေ" ယဲတင်းဟုန်သည် ယဲယင်လန်ကို မကျေမနပ်စိုက်ကြည့်ပြီး "ယဲဖန်က ငါတို့ကို ထားသွားခဲ့ပေမဲ့ သူက မင်းရဲ့အကိုကြီး ဖြစ်နေတုန်းပဲ။ နောက်တစ်ကြိမ် သူနဲ့တွေ့ရင် ကောင်းကောင်းဆက်ဆံ" ဟု ပြောသည်။
ယဲတင်းဟုန်သည် ဝမ်ရှောက်ဖေးကို မကြိုက်ပေ။ ယဲမိသားစုနှင့် ဝူမိသားစုကြားရှိ အိမ်ထောင်ရေးသည် မူလက ကောင်းမွန်နေသော်လည်း ဝူယင်းသည် ကံမကောင်းစွာ ငယ်ငယ်ရွယ်ရွယ်ဖြင့် သေဆုံးသွားသောကြောင့် ယဲဟုန်ဝမ်က ဝမ်ရှောက်ဖေးအား သဘောကျသွားလေသည်။ နှစ်ပေါင်းများစွာ ကြာလာသောအခါ ယဲမိသားစုနှင့်ဝူမိသားစုကြားရှိ ဆက်ဆံရေးက ပိုမိုအေးစက်လာသည်။ ဝူမိသားစုသည် ယဲဖန်အပေါ် သိပ်ဂရုမစိုက်ပေမဲ့ တစ်ခါတစ်လေ သူ့အားထောက်ပံ့ပေးလေသည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...