Unicode
ဘတ်စ်ကားသည် သုံးနာရီကြာ မောင်းပြီးနောက် နောက်ဆုံး၌ ရပ်တန့်ခဲ့သည် "ရှေ့မှာ လမ်းမရှိတော့ဘူး။ ငါတို့တွေ လမ်းလျှောက်သွားရလိမ့်မယ်"
ရှောက်ချီနှင့် အခြားလူများသည် တစ်ယောက်ပြီးတစ်ယောက် ဆင်းသွားလေသည်။ ယဲဖန်သည် ကားပေါ်မှ ဆင်းလိုက်သောအခါ လှိုင်းထနေသည့်တောင်ကုန်းများကို တွေ့လိုက်ရသည်။
ရှောက်ချီသည် ပိုင်ယွင်ရှီဘေးသို့ လျှောက်လာပြီး "မင်းအားလုံး အဆင်ပြေရဲ့လား" ဟု ပြောသည်။
ပိုင်ယွင်ရှီက ပြုံးကာ ပြောလိုက်သည် "ပြေတယ်"
ထို့နောက် မျက်မှောင်ကြုတ်လေသည်။ သူသည် အမြဲတမ်း အအိပ်ဆတ်ပေမဲ့ ဒီလမ်းတစ်လျှောက်လုံးတွင် သူက ဘတ်စ်ကားပေါ်တွင် နှစ်နှစ်ခြိုက်ခြိုက် အိပ်ပျော်သွားသည်မှာ စိတ်ကူးရခက်လေသည်။ သူသည် အိပ်ပျော်ပြီးနောက် သူ့စိတ်ထဲတွင် ဆန်းကြယ်သလိုခံစားလိုက်ရပြီး ယဲဖန်၏ပုခုံးပေါ်သို့ အမှန်ကို မှီထားသည် ဟု ရှောက်ချီပြောသည်ကို ကြားလိုက်သည်။
ယဲဖန်သည် သူ့အိတ်ကို သယ်ကာ ပိုင်ယွင်ရှီဆီသို့ လျှောက်သွားခဲ့ပြီး ယဥ်ကျေးသိမ်မွေ့စွာဖြင့် "ငါတို့ လမ်းနည်းနည်းလျှောက်ရလိမ့်မယ်လို့ ကြားခဲ့တယ်။ မင်းမလျှောက်နိုင်ရင် ငါမင်းကိုသယ်သွားပေးမယ်လေ"
သူ၏မိုက်မဲသည့်အပြုံးကို ကြည့်ပြီးနောက် ပိုင်ယွင်ရှီသည် စိတ်တိုစွာဖြင့် "မလိုဘူး။ ကျေးဇူးပဲ"
ယဲဖန်က မျက်တောင်ခတ်ကာ "သတ္တိရှိဖို့ မကြိုးစားနဲ့"
ပိုင်ယွင်ရှီသည် မှုန်ကုပ်လျက် ပြောလာသည် "မင်းရဲ့ စိုးရိမ်မှုအတွက် ကျေးဇူးပဲ။ ဒါပေမဲ့ မလိုအပ်ဘူး"
ယဲဖန်သည် ထိုအကြောင်းကို တွေးလိုက်ပြီးနောက် ပြောလာသည် "မင်း ဝက်ပေါင်ခြောက်အချို့ ယူချင်လား"
"မယူဘူး" ပိုင်ယွင်ရှီက အေးစက်စွာ ဖြေလိုက်သည်။
ယဲဖန်သည် သူ့ကို ကြည့်ပြီး စိတ်ညစ်စွာ ဆိုလေသည် "မင်းက အရမ်းဇီဇာကြောင်တာပဲ။ ဘာမှကို မစားဘူး"
ŞİMDİ OKUDUĞUN
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Macera"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...