Unicode
ယဲဖန်သည် ပိုင်ယွင်ရှီရုံးခန်းထဲရှိ ဆိုဖာပေါ်တွင် နေရာယူထားပြီး ကျင့်ကြံရန် ဝိညာဥ်ကျောက်တုံးအား ကိုင်ထားခဲ့သည်။
"နောက်ဆုံးအပိုင်းပဲ" ယဲဖန်သည် တွန့်ဆုတ်စွာ ပြောလာခဲ့သည်။
ပိုင်ယွင်ရှီက သူ့အား တစ်ချက်ကြည့်ကာ "နောက်ကျရင် ပိုရှာလိုက်လေ"
ယဲဖန်သည် ခါးသီးစွာ ပြုံးပြလာပြီး သူ့ကိုယ်သူတွေးနေမိသည် 'ရှာရတာ လွယ်ရင် ဘယ်လောက်ကောင်းလိုက်မလဲ။ ဝိညာဥ်ကျောက်တုံးတွေက စကျင်ကျောက်လိုမျိုး မည်သည့်နေရာကမဆို လက်တစ်ဆုပ်စာ ဆုပ်ကိုင်လို့မှ မရတာ။ ဒါပေမဲ့ ဝိညာဥ်ကျောက်တုံးအနည်းငယ်လောက်နဲ့ သူ့ကျင့်ကြံရေးဟာဆို အတော်လေးကိုတိုးတက်လာခဲ့တာလေ'
"ထန်ဝူရွမ်းကိစ္စက ပြီးသွားပြီလား" ပိုင်ယွင်ရှီက မေးလိုက်သည်။
ယဲဖန်က မျက်တောင်ခတ်ကာ "အွန်း ၊ ပြီးသလောက်ပါပဲ။ တကယ်တော့ နောက်ဆုံးအဆင့်ဆို ငါ ဘာမှတောင် လုပ်စရာမလိုလိုက်ဘူး"
"ဘာလို့လဲ"
"ထန်ဝူရွမ်အဖေက ဘဏ်ကတ်တစ်ခု ကောက်ရပြီး ငွေသားတွေ ထုတ်ယူခဲ့တာကြောင့် ထောင်ကျသွားတယ်လေ"
"ပြီးတော့ သူ့အကိုကြီးကလဲ သူ့ချစ်သူကောင်မလေးကို သွားစစ်ဆေးကြည့်လိုက်တော့ သူမမှာ နောက်ကောင်လေးတစ်ယောက်ရှိနေပြီ။ ပြီးတော့ သူမဗိုက်ထဲက ကလေးကလဲ သူ့ဟာမဟုတ်ဘူး။ သူ့အကိုကြီးက ဒေါသထွက်သွားပြီး အဲ့ဒီမိန်းမကို ရိုက်လိုက်တာ ထိခိုက်မိပြီး ကိုယ်ဝန်ပျက်ကျသွားခဲ့တယ်။ ဒါပေါ့ သူမက သူ့ကို လုံးဝအလွတ်မပေးခဲ့ဘူးလေ၊ ရလဒ်အနေနဲ့ သူမက သူ့ကို ရည်ရွယ်ချက်ရှိရှိ ထိခိုက်နစ်နာစေမှုနဲ့ တရားစွဲလိုက်တော့ ထောင်ကျသွားတယ်လေ"
"ရလဒ်အနေနဲ့ အပြင်ဘက်မှာ တစ်နေ့လုံးနီးပါး ငိုယိုနေတဲ့ သူ့အမေတစ်ယောက်တည်းပဲ ကျန်တော့တယ်။ သူမက နေ့တိုင်း သူမယောကျ်ားနဲ့ သားအတွက် စားစရာတွေ ပို့ပေးနေရတာ"
ВЫ ЧИТАЕТЕ
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Приключения"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
