Unicode
ယဲဖန်သည် ရှေးဟောင်းလမ်းမပေါ်တွင် လမ်းလျှောက်ရင်း ကျောက်စိမ်းများရောင်းသည့်ဆိုင်ကို ရွေးကာ ဝင်လိုက်သည်။
"ဟိုင်း လူချောလေး၊ မင်းကြိုက်တာတွေရှိလား" ဆိုင်ရှင်က မေးလာသည်။
"ဒီကျောက်စိမ်းဆွဲသီးလေးက ဘယ်လောက်လဲ"
"ဒါလား။ ဒါက ဆရာသခင်တစ်ယောက်ဖန်တီးထားတာ၊ ယွမ်သုံးသောင်းပဲပေး"
ယဲဖန်သည် အေးစက်စက် နှာမှုတ်ကာ "အခုခေတ်မှာ ဘယ်သူမဆို သူ့ကိုယ်သူ ဆရာသခင်လို့ ခေါ်နေကြပြီ။ ဘယ်ဆွဲသီးပဲဖြစ်ဖြစ် တစ်ယောက်ယောက်က ဖန်တီးထားတာပဲလေ။ သူဌေး စျေးသက်သက်သာသာ လုပ်ပါအုံး"
"ဒါဆို မင်းဘယ်လောက်ပေးနိုင်တုန်း"
"ဒီနေ့ ငါက ယွမ်တစ်ထောင်ပဲ ယူလာတယ်။ အဲ့စျေးထက် ငါပိုမပေးနိုင်ဘူး" ယဲဖန်က ပြောသည်။
"ကောင်းပြီ၊ ယွမ်ငါးထောင်ပဲပေး"
ယဲဖန် "....." ငါသာ သိခဲ့ရင် ဒီထက် စျေးပိုလျော့ပြောလိုက်ပါတယ်။ တော်တော်အမြတ်ကြီးစားတာပဲ။
ယဲဖန်သည် ကောင်တာရှေ့တွင် ရပ်လိုက်ပြီး အေးစက်သောလေပြင်းကို ခံစားလိုက်ရသည်။ ထို့နောက် အေးစက်သောအကြည့်နှင့် လူငယ်လေးတစ်ဦးသည် သူ့ဘေးတွင် ပေါ်လာသည်။
ပိုင်ယွင်ရှီသည် ရတနာဆိုင်ပိုင်ရှင်ကို ခေါ်လိုက်သည် "ဦးလေးကျိုး"
ယဲဖန်က ပိုင်ယွင်ရှီကို မျက်လုံးပြူးဖြင့် ကြည့်လိုက်ကာ "ဟိုင်း၊ ငါတို့ ထပ်တွေ့ပြန်ပြီ။ ငါတို့တွေ တကယ်ရေစက်ပါတယ်"
ပိုင်ယွင်ရှီသည် သူ့ကို စူးစူးရဲရဲစိုက်ကြည့်ပြီး လျစ်လျူရှုလိုက်သည်။
နောက်ဆုံးအကြိမ်တွင် ယဲဖန်သည် ဆေးဖက်ဝင်အပင်များလမ်းမပေါ်တွင် ပိုင်ယွင်ရှီကို အမှတ်တမဲ့သာ ကြည့်လိုက်ပြီး ပိုင်ယွင်ရှီသည် ရုပ်ရည်ကြည့်ကောင်းသည်ဟုသာ ထင်ခဲ့သည်။ ယခုအခါတွင် ယဲဖန်က ပိုင်ယွင်ရှီသည် အမှန်တကယ်ချောမောလှပကြောင်း တွေ့လိုက်ရလေသည်။ ဘာပဲဖြစ်ဖြစ် ဒီပိုင်ယွင်ရှီသည် ရေခဲသဘာဝခန္ဓာကိုယ်ကို ပိုင်ဆိုင်ထားသည်က သူ့ကိုအံ့သြသင့်စေသည်။ သိသိသာသာပင် ဒီနေ့လို ပူအိုက်သောနေ့များတွင် သူ့ဘေး၌ ရပ်လိုက်ရုံဖြင့် ပြင်းပြင်းထန်ထန် အေးမြသော ခံစားချက်ကို ခံစားလိုက်ရသည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...