✔Sold to Medusa

QUINQUE

"B-Bakit naman dito ang opisina ng boss nila?"

Binasa ko ulit ang address na nakasulat sa papel at sinilip ang abandonadong bodega sa harapan ko. It was a large building with broken windows and moss already eating up the good portion of its exterior. May vandalism pang nakapinta sa kulay abo nitong mga pader at nagkalat ang basura sa lote nito.

Sa isang gilid, nakatabinging nakalagay ang karatulang "Cella Warehouse". It was hastily painted in red letters against a wooden surface. May ilang sapot ng gagamba pang nakapalibot sa karatula na para bang setup sa isang horror movie.

"Arachnophile, a person who loves spiders."

Napapitlag ako nang makarinig ako ng kakaibang tunog mula sa loob ng warehouse. Hindi ako naniniwala sa mga multo, pero lalong mahirap paniwalaan na may taong mag-oopisina sa lugar na 'to!

It was already 6:00 pm. Ilang sandali na lang at magsisimula na ang party ni Pamela.

"Baka hindi na ako umabot sa oras. Next time ko na lang kaya siya bigyan ng regalo?"

Pero nakakahiya. Sa pagkakarinig ko, maraming pupuntang mga manliligaw niyang mula sa mga elitistang pamilya. They will surely show off their rich asses to impress Pamela tonight. And what do I have to impress her with? Nothing but a mouthful of philias.

Sa kalagitnaan ng pag-iisip ko, biglang bumukas nang kusa ang pinto ng bodega.

"M-May tao ba diyan?"

Mayamaya pa, bumungad ang nakangiting mukha ni Caprissa. Teka, paano naman niya ako naunahan dito? Kumaway siya sa'kin, "Kuya Rein! Kanina ka pa hinihintay ni Lady Me---este, ni boss! Pumasok ka na po dito."

Biglang nawala ang takot ko. I sighed in relief. Siguro naman hindi ako ipapahamak ng batang ito, 'di ba? Ngumiti ako sa kanya at tumakbo papasok sa nakakatakot na warehouse.

"Caprissa?"

The moment I stepped inside, the door slammed shut. Shit! Baka naman multo pala ang boss nila? Mabilis kong inilibot ang mga mata ko sa lugar. Mabuti na lang pala at may flourescent lamps pa dito. Wala namang kakaiba sa bodegang 'to maliban na lang sa babaeng may kulay berdeng buhok na nakatitig sa'kin habang nakangi---WTF?!

My eyes widened in recognition. Kilala ko ang babaeng ito!

"I should turn you into stone for making me wait, mortal. Tsk! Pasalamat ka na lang at papakinabangan pa kita."

"M-MEDUSA?!"

Nanindig ang balahibo ko nang kalmado siyang naglakad papalapit sa akin. Mahina akong napamura at kabadong tatakbo na sana papalayo nang tisurin ako ng isang paa. I groaned in pain as my face hit the floor. Narinig ko ang mahinang pagtawa ng lalaking tumisod sa'kin.

"Hahaha! Ayaw ni Lady Medusa sa mga bastos na kausap, pare. Kaya't wag mo na subukang tumakas."

'Lady Medusa?'

Nang mag-angat ako ng tingin, nakita ko ang emo na nagbigay sa'kin ng pusa noon. He smirked sadistically as I tried to get away. Pero hindi pa man ako nakakailang hakbang, bigla namang pumulupot sa katawan ko ang ilang lubid. Napadaing ako sa sakit dahil sa higpit ng pagkakatali ng mga ito sa katawan ko. Kasabay ng paghihirap kong kumawala, umalingawngaw ang pagtawa ng isang batang babae.

She tied the knot and grinned at me.

"There! Para hindi ka na makatakas, Kuya Rein. It's bad to keep our Lady Medusa waiting. Hahaha!"

'T-They're crazy!'

Tuluyan na akong nawalan ng balanse. Napasalampak na ako sa sahig. Kahit anong gawin ko, hindi pa rin ako makatakas sa mga lubid na ito. That's when I saw a pair of black heels stop in front of me. Ilang sandali pa, hinawakan ni Medusa ang baba ko para tumingin ako sa kanya.