✔Sold to Medusa

TRIGINTA SEX

"Oh, so now you're calling me LADY Medusa?"

Hindi na ako nagulat nang irapan ako ng boss ko. I'm still guilty with all the harsh words I said to her, but for now, I'm just relieved to see her. Kamuntikan na akong patayin kanina ni Euryale kung hindi siya biglang sumulpot! At ngayong naaalala ko na ito, "Err.. saan mo nga pala nakuha ang frying pan na 'yan?"

Not that I'm complaining, of course.

Naalala ko lang bigla 'yong pelikulang "Tangled". Nakakawili talagang panoorin kung paano ginamit na weapon 'nong bidang babae ang isang frying pan. Nakakamangha talaga ang utak minsan ng mga babae. Akalain mo 'yon, akala ko talaga panluto lang yung kawali, tapos pwede palang maging super cool weapon? Mabuti na lang at hindi sa'kin naihampas ni Medusa ang kawaling 'yan, kundi baka mapaaga ang libing ko.

Pero imbes na sagutin niya ang tanong ko, sinipat niya lang ako mula ulo hanggang paa. Humagalpak siya nang tawa na parang kontrabida sa mga teleserye. She should really audition for roles like that.

"HAHAHAHAHA! Seriously, Aristello? Naka-boxer shorts ka lang talaga? Tsk! Ikaw na yata ang pinakakaawa-awang nilalang na nakidnap." She stepped over Euryale's body and started removing the chains. Hindi pa rin nawawala ang pang-asar na ngiti sa mga labi ni Lady Medusa habang pilit pa rin akong sinusubukang tuklawin ng mga "babies" niya.

"Magpasalamat ka na lang at walang dress code sa pagiging damsel in distress."

Nang makalas na ni Medusa ang mga kadena, agad akong tumayo at hinawakan ang mga pulsuhan ko. Bullshit. Namaga pa yata dahil sa tagal ng pagkakakadena. Huminga ako nang malalim at sumunod sa kanya papalabas ng kweba. Euryale still laid unconscious at the foot of my stone throne.

"Paano ka naman nakaligtas sa mga patibong na pinalagay nila kay Chiron?"

"Oh, hush, darling! Sa tingin mo ba talaga kaya akong pigilan ng 'cheap' nilang mga patibong?"

Sa hindi malamang dahilan, napangiti na lang ako. 'I kinda miss her bitchy attitude.'

At hindi rin nakatulong ang paggalaw ng balakang ni Medusa habang naglalakad siya. Sa kabila ng paglalakad sa madilim at malamig na kwebang may mga estatwa pa ng mga mortal at mantsa ng dugo sa paligid, she still carried herself like a runway model. Napapailing na lang ako.

Ilang sandali pa, natanaw ko na ang bukana ng kweba.

From here, sunlight seeped in, chasing away the darkness of the cave. The air became less humid and our surroundings became a little warmer. Hindi ko alam kung paano nabubuhay ang mga Gorgon sa loob ng kwebang 'yon. Ilang oras pa nga lang akong nakakulong doon, pakiramdam ko tatakasan na ako ng katinuan. Damn, I miss the outside world!

Pero bago pa man kami makalabas, biglang lumitaw ang isang anino sa harapan.

The shadow was all too familiar.

'Shit! Nahuli niya kami!'

Hinawakan ko sa kamay si Medusa at pinigilan siya sa paglalakad. I went into a defensive stance and pulled her behind me. Sa gilid ng mga mata ko, nakita kong nakakunot ang noo niya.

"Ano na namang kalokohan 'to, mortal?"

"Damn it! Just stay behind me, Lady Medusa!"

Sinamaan ko ng tingin ang centaur na nakaharang sa daraanan namin. Ayoko sanang labanan si Chiron, pero kung mapapasabak talaga kami sa bakbakan, wala na akong magagawa. Alagad siya nina Stheno at Euryale, kaya't hindi ko rin siya masisisi kung pipigilan niya kaming makatakas.

Call me a sentimental bastard, but I feel sad that I need to go against a new-found friend.

"C-Chiron, dude, I don't want to fight you. Pero kung nandito ka para pigilan kami..."