✔Sold to Medusa

SEX

Hindi ako 'yong tipo ng taong magaling magdesisyon.

Anak ng pusa, ni hindi ko nga kayang magdesiyson kahit pa yata nakasalalay na ang buhay ko! Noong Grade 6 ako, ni hindi ko pinag-isipan ang isusuot kong medyas kaya't madalas magkaibang pares ang suot ko. One time, I decided to try eating lunch at our canteen. Sa kasamaang palad, puro panis pala ang mga napipili kong ulam, kaya't isang linggo ako noong absent dahil sa pagtatae at pagsusuka.

To sum it up: I suck at decision-making.

'And I guess old habits die hard.'

Napabuntong-hininga ako't walang-ganang tinitigan ang babaeng abala sa pag-iisip kung paano niya pahihirapan ang miserable kong buhay. I glanced at my cellphone. "Shit!" Pamela's pary starts in two hours! Iritable kong binalingan si Medusa na may binabasa pa ring files sa isang folder.

"Rein Aristello, 19 years old, freshman student ng kursong Civil Engineering. Isang ordinaryong mortal na nag-aaral sa isang ordinaryong paaralan. Tsk! What a boring life you have!" Humikab si Medusa. Her sharp brown eyes turned to me, "You should really be thankful that I employed a boring mortal like you."

"Um.. thank you?" Sarkastiko kong sagot sa kanya.

'Pero totoo naman ang sinabi niya. I do have a boring life.'

Nakakainsulto pala talaga kapag nagmula sa ibang tao ang katotohanang matagal mo nang alam. I sighed in defeat. Bumaling ako kina Markus at Caprissa na abala sa pagtsi-tsismisan. "Can you guys untie me now? Napipisa na ang muscles ko sa higpit ng mga lubid na 'to!"

Pero tinawanan lang ako 'nong dalawa.  Inis kong ibinalik ang atensyon ko sa halimaw na bumili sa'kin. 'Damn, hindi ako pwedeng ma-late sa party ni Pam!'

"Ano ba talaga ang ipapatrabaho mo sa'kin?"

Ngumisi si Medusa at ipinitik ang mga daliri. Sa isang iglap, biglang naging marupok ang mga lubid na nakatali sa'kin. The ropes easily broke off. Napabuntong-hininga ako't mabilis na umayos ng tayo. Nasa kalagitnaan na ako ng pag-aayos ng coat ko (delikado na at baka ipatapon ako sa Jupiter ng pinaghiraman ko) nang magsalita ulit si Medusa.

"Base sa walang katuturan mong files, mortal, bukod sa pagdadaldal ng philias, magaling ka rin sa mga de-pindot na may TV screen, at patay na daga,'di ba?"

What the fuck? Sandali akong napaisip.

De-pindot... TV screen... Patay na daga?

"Ah! You mean a computer?"

Napasimangot si Medusa habang pinipigilan ko namang matawa. Hindi pala alam ng isang mythological creature ang computer? Geez, that's new. I smugly smiled at her.

"Want me to spell that for you? C-O-M-P-U----"

"Mananahimik ka o gagawin kitang estatwa?!"

Napaatras na ako nang akmang tutuklawin na ako ng mga ahas sa ulo niya. I sighed and scratched the back of my head. Dapat pala kinakasuhan ko 'tong bago kong boss. Masyadong pikon eh! Buti pa si Pamela, hindi makabasag-pinggan.

Well, not that I'm comparing them. Pamela is incomparable.

Napasimangot ako. "Ano naman ang kinalaman ng pagiging maalam ko sa mga computer sa pagiging personal assitant mo?"

Sumeryoso ang ekspresyon ni Medusa. "Follow me." Huminga siya nang malalim at naglakad papunta sa kabilang bahagi ng warehouse. Hinanap ko sina Caprissa at Markus, pero bigla na lang silang naglaho na parang pera. 'For the second time this evening, I am left with no choice!' inis kong isip at sinundan si Medusa sa kung saan.

We passed through the dark and abandoned hallways. Nanindig ang balahibo ko sa lamig ng lugar at kamuntikan na akong mapakapit kay Medusa nang may marinig akong kaluskos na nagmumula sa likuran namin!