✔Sold to Medusa

TRIGINTA QUINQUE

'Desmond?'

Ang mukhang pera kong kababata?

Nah. Baka naman kapangalan lang niya. Sigurado namang hindi lang siya ang "Desmond" sa mundo naming mga mortal, 'di ba? Baka nga libu-libong lalaki ay may pangalan na Desmond. What are the odds? Saka, kilala ko ang siraulong 'yon magmula pa noong mga bata kami. Hindi na nga ako magtataka kung bestfriends kami magmula pa noong nasa sinapupunan kami ng mga nanay namin eh.

I'm pretty sure psychology has a term for this. Ano nga ulit 'yon? Ah, oo. "Nodus tollens", ito yung pakiramdam na parang hindi mo na maintindihan ang mga pangyayari sa buhay mo. It is the realization that the plot of your own life doesn't make sense to you anymore.

I laughed dryly.

Umalingawngaw sa katahimikan ng kweba ang malakas kong pagtawa na ikinakunot naman ng noo ni Chiron. Nice. Pati tuloy ang isang centaur, nawi-wirduhan na sa'kin.

"Ayos ka lang ba, bata?"

"Hahahaha! N-Nakakatawa kasi.. kapangalan kasi ng kaibigan ko ang lalaking sabi mong iniiyakan noon ni Lady Medusa. Dude, what the fudge? Hahaha! Imposible 'yon..." Nang seryoso pa ring nakatitig sa'kin ang matandang centaur, bigla akong kinabahan, "...di ba? I-Imposible talaga--"

"Walang imposible kung napapalibutan ka ng mga diyos at diyosang kayang pahintuin ang mga delubyo at pabagalin ang kamatayan ng mga nilalang."

Literal na yatang nalaglag ang panga ko. Matagal ko na ring nakalimutan ang gutom at pangangawit ng pwet ko sa tronong kinauupuan ko. Nanlaki ang mga mata ko sa sinabi ni Chiron. Baka naman binibiro niya lang ako?

"I-Ibig sabihin ba nito..  yung lalaking minahal dati ni Medusa ay ang kaibigan kong si Desmond?"

Nagkibit ng balikat ang centaur.

"Hijo, hindi ko sinasabing oo, pero hindi ko rin sinasabing hindi. Ang sinasabi ko ang, posible ang mga bagay na ganito. Kung buhay nga ang mga diyos at diyosang madalas niyong nababasa lang noon sa mga aklat, sa tingin mo mayroon pang imposible sa mundo?"

Well, he has a point there. Unti-unti ko nang naiintindihan kung bakit itinuturing na mga "dakilang" nilalang ang mga centaurs. Para silang matatandang tagapayo. Wise creatures, indeed. Still, it really doesn't make sense. Ano bang nangayari noon sa "Desmond" na minahal ni Medusa?

It's been hundreds of years! Dapat patay na ang dating boyfriend ni Medusa. Hindi ko talaga lubos maisip na "posibleng" ang Desmond na nabuhay noon ay ang Desmond na palagi akong binubugaw ngayon.

Damn. Baka naman may nangyaring "reincarnation"?

Sumasakit na nga ang ulo ko sa dami ng kababalaghang nangyayari sa'kin, dumagdag pa 'tong love life ng amo ko sa iniintindi ko. Ano ngayon kung si Desmond pala talaga ang dating kasintahan ni Medusa? Wala naman akong pakialam kung may relasyon pala sila noon. Hindi ko na dapat pinoproblema ang love life ng amo ko kahit na posibleng damay pala ang bestfriend ko dito.

'Past is past naman, 'di ba?'

Nababaliw na nga yata ako.

Nang bumalik ako sa kasalukuyan, napansin kong nakatingin pa rin sa'kin si Chiron habang nakangiti nang pang-asar. Medyo creepy na rin kaya napagdesisyunan ko nang magtanong.

"Ano?"

"Medusa's past love life bothers you."

Napasimangot ako. May pagka-tsismoso rin pala ang mga centaur!

"H-Hindi ah! I-It didn't bother me.. I...I was just a bit curious. Ang malas pala ni Desmond kung siya pala talaga ang karelasyon ni Medusa noon. Naghiwalay siguro sila dahil sa kamalditaan ng amo ko. Psh!"