သင်္ချိုင်းဟောင်းမှမြွေမိသားစု(ဘာသာပြန်)

Chapter 6

Chapter 6

“ကလေးတွေ လာစားမယ်..”

ယင်တပိုင် ယူလာသည့် အစာအား ချကာခေါ်လိုက်သည်။

ဟွားရှောင်အာ၊ ဟွားရှောင်စန်းနှင့် ဟွားရှောင်ဝူတို့မှာ ယင်တပိုင်နံဘေး ဝိုင်အုံလျက်ရှိကြပြီး ယင်ရှောင်ယိနှင့် ယင်ရှောင်စစ်တို့မှာ သူတို့၏နောက်မှ လိုက်လာကြသည်။ ယင်ရှောင်ရှောင့် ခေတ္တတုံ့ဆိုင်းနေမိပြီးနောက် သူတို့နှင့်အတူ လိုက်ပါသွားသည်။ သူ၏ခန္ဓာကိုယ်အားဆန့်ကာဖြင့် မြွေပေါက်လေး ငါးကောင်နှင့်အတူ ယင်တပိုင် ဆောင်လာသည့် အစာအား ကြည့်လိုက်သည်။

ယင်ရှောင်ရှောင်း ဖျော့တော့လာပြီး ချက်ချင်းဆိုသလို ခြေလှမ်းအနည်းငယ်ခန့် နောက်ဆုတ်လိုက်သည်။ တံတွေးမျိုချပြီးနောက် လှည့်ကာြဖင့် အဝေးသို့ထွက်သွားလေသည်။

ဂူအတွင်းသို့ဝင်ကာ ပျောက်ကွယ်သွားကာနီးလေးမှာပင် ယင်ရှောင်ရှောင်းမှာ ဟွားရှောင်ဟွား၏ အမြီးနှင့်ပတ်ကာ ဆွဲထုတ်ခြင်းခံလိုက်ရသည်။

“ယင်ရှောင်ရှောင်း.. မြန်မြန်လေး သွားစားလိုက်.. မင်းတို့တွေ မွေးလာတဲ့အချိန်ကပဲ အစာစားရသေးတာ.. အဲဒါကြောင့် အခု ပိုစားဖို့လိုအပ်တယ်..”

မိုးနတ်မင်းကြီးရေ..

ဒီမှာဗျ.. ကျုပ်ရဲ့ခန္ဓာကိုယ်က မြွေဖြစ်နေပေမဲ့ ဝိညာဉ်က လူသားဖြစ်နေတုန်းပဲဗျ..

အသားစိမ်း ငါးစိမ်းစားဖို့နေနေသာသာ အခု ကြွက်ကို အစိမ်းလိုက်စားစေချင်နေတာလား..

ကျုပ်ကို သတ်ဖို့ ကြံစည်နေတာမလား..

သခင်လေးရေ.. ကျုပ်က အဲဒီကြွက်အစိမ်းကို ဘယ်တော့မှ စားမှာမဟုတ်ဘူး သိရဲ့လား..

ကြားလိုက်ရသည့်အတိုင်းပင် ဖြစ်သည်။ မြွေပေါက်လေးများ ဝိုင်းရံနေကြသည့် အစာပုံမှာ အမှန်တကယ်တွင် ကြွက်သေများဖြစ်သည်။ တိရိစ္ဆာန်အရောင်းဆိုင်များရှိ ဟမ်းစတားကဲ့သို့ ချစ်စဖွယ်အကောင်လေးများမဟုတ်ဘဲ မြင်သည်နှင့် အော်ဟစ်ကာ လူတိုင်း “သ-တ်” ချင်ကြသည့် ကြွက်ရုပ်ဆိုးများဖြစ်ပေသည်။ ထို့ကြောင့် ယခုလက်ရှိ ယင်ရှောင်ရှောင်း၏ စိတ်အခြေအနေအား လူတိုင်းနားလည်နိုင်ကြပေလိမ့်မည်။