Chapter 28“မင်းက အရမ်းကိုငယ်သေးတယ် အရူးလေး.. အဲဒါကို မင်းမိသားစုက ဒီလိုပဲ လျှောက်သွားခွင့်ပေးတယ်ပေါ့.. ကျွတ် ကျွတ်.. နည်းနည်းလောက်ပဲ ထွားကျိုင်းတဲ့ ကြွက်တောင် မင်းကို အနိုင်ကျင့်နိုင်တယ် သိလား..”
မော့လောင်တ ခေါင်းယမ်းကာဖြင့် ယင်ရှောင်ရှောင်းအား လှောင်လိုက်သည်။
ယင်ရှောင်ရှောင်း နှုတ်ခမ်းမဲ့လာသည်။
ဒီမော့လောင်တက ငါ့ကို အရူးလေးလို့ ဆက်ခေါ်နေတုန်းပဲပေါ့..
ဒါနဲ့များ ဘာကိစ္စနဲ့ နာမည်လာမေးနေရသေးလဲ..
ယင်ရှောင်ရှောင်း ရုတ်တရက်ဆိုသလို စကားနှစ်လုံး ပြောလိုက်သည်။
“မီးသွေးတုံး”
(သူပြောတာကတော့ ဟေးတန် ဆိုပြီး နှစ်လုံးတည်းပါပဲ.. အဓိပ္ပါယ်က မီးသွေးပေါ့နော်.. မှောင်မဲနေတာကိုလည်း ပြောတာပါတဲ့..)
“ဘာပြောတာလဲ”
မော့လောင်တ အမှန်တကယ်ကိုပင် ရှင်းရှင်းလင်းလင်း မကြားလိုက်ရခြင်း ဖြစ်သည်။
“ခင်ဗျားကို မီးသွေးတုံးလို့ ခေါ်လိုက်တာလေ.. မီးသွေးခဲကြီး..”
ယင်ရှောင်းရှောင်း နှုတ်ခမ်းတွန့်ကာ တိတ်တဆိတ် ခိုးပြုံးလိုက်သည်။
သေသေချာချာ ကြည့်မနေရင်တောင် ဒီကောင်ကြီးရဲ့အရောင်က တောက်ပနေရောပဲနော်..
ဖေဖေ ပြောထားတဲ့အတိုင်းဆိုရင် သူက လုံးဝကို သွေးမျိုးသန့်တဲ့ မော့မြွေပေါ့..
‘ဟေးတန်’ က ဘာကြီးလဲ..
မော့လောင်တ ထိုစကားလုံးအား တစ်ခါမှပင် မကြားဖူးခဲ့ချေ။ သို့သော်လည်း သူ့ရှေ့ရှိ ထိုအရူးပေါက်လေး၏ အမူအရာအရ ကောင်းသည့်အရာ ဖြစ်ပုံမရပေ။
ယင်ရှောင်ရှောင်း ခေါင်းယမ်းလိုက်ပြီး မော့လောင်တ၏ အပြုအမူအား အတုခိုးလိုက်လေသည်။
“ယဉ်ကျေးမှုမရှိဘူး.. ဘယ်လိုတောင် ဆိုးဝါးတာလဲ..”
“...”
မော့လောင်တ ထိုစကားများကိုတော့ နားလည်လေသည်။
“အိုး.. မှောင်တော့မှာပဲ.. အိမ်ပြန်ရတော့မယ်..”
YOU ARE READING
သင်္ချိုင်းဟောင်းမှမြွေမိသားစု(ဘာသာပြန်)
Romancestory title လေးကို Description မှာထည့်ပေးထားမယ် တစ်ပတ် သုံးပိုင်း တင်ပေးပါမယ်နော် ဖတ်ပေးကြပါဦး???????? all credit to original author & e translator