🐍Chapter 94
မော့လောင်တ အရာအားလုံး ရှင်းပြပြီးချိန်တွင် ၁၀ မိနစ်ခန့် ကုန်ဆုံးသွားခဲ့သည်။ ကျိခန်းသည်လည်း အဖြစ်အပျက်များကို အပြည့်အဝ နားလည်သွားလေသည်။
“အဲဒါဆို မင်းက ကိုယ့်ကို အဲဒီနှစ်ယောက်ကို သင်ခန်းစာပေးစေချင်နေတယ်ပေါ့..”
ယင်ရှောင်ရှောင်း ကြမ်းကြမ်းတမ်းတမ်း ခေါင်းညိတ်လိုက်သည်။
“သူတို့က ရှားပါးတဲ့ ရတနာတွေနဲ့ အသက်ရှည်တာကို လိုချင်တယ်မလား.. အဲဒါဆို သူတို့ကို ရခွင့်ပြုလိုက်ကြမယ်လေ.. ဒါပေမဲ့ ထွက်သွားဖို့ နည်းလမ်းမရှိလို့ ဘယ်လောက်တောင် ကံဆိုးလိုက်မလဲနော်.. နာကြည်းမှုတွေပြည့်နှက်ပြီး သူတို့ရဲ့ မပြည့်ဝနိုင်တဲ့ လိုအင်ဆန္ဒတွေနဲ့ သေသွားအောင် လွှတ်ထားပေးလိုက်..”
ကျိခန်းမှာ တစ္ဆေသရဲတစ်ကောင် ဖြစ်နေပြီးသား ဆိုသော်လည်း ယင်ရှောင်ရှောင်း၏ ပြောစကားကို ကြားလိုက်သည့်အခါတွင် နောက်ကျောမှ အေးစိမ့်စိမ့်ဖြစ်လာသည်။ ကျိခန်း အားတင်းကာ ရယ်လိုက်ရသည်။
“ဟုတ်ပြီကွာ.. မင်းပြောသလို ဖြစ်စေရမယ်..”
ယင်ရှောင်ရှောင်း ကျေနပ်သွားသည်။
“အဲဒါဆိုရင် ငါတို့ ဒီည သင်္ချိုင်းဟောင်းမှာ နေမယ်နော်..”
ထိုသို့ပြောလိုက်သည့်အခါတွင် ယင်ရှောင်ရှောင်းမှာ သူ၏အိမ်တွင် ဝင်နေသည့် စုလောင်နှင့် လျှိုကျစ်ရှင်းကို နောက်တစ်ကြိမ် သတိရမိသွားပြီး ဒေါသများပြည့်နှက်လာပြန်သည်။ မူလက ယင်ရှောင်ရှောင်းသည် စုလောင်နှင့် လျှိုကျစ်ရှင်းအား ခန္ဓာကိုယ်မပျက်မစီးနှင့် သေဆုံးစေချင်ခဲ့ခြင်း ဖြစ်သည်။ ယခုတွင်မူ ဒဏ်ရာမှ နာကျင်မှုနှင့်အတူ သူ၏အိမ်ကိုပါ ကျူးကျော်လာသည့် မုန်းတီးမှုကြောင့် ယင်ရှောင်ရှောင်းသည် ထိုနှစ်ဦးအား ခန္ဓာကိုယ်ပျက်စီးကာ သေဆုံးသွားစေရန် ဆန္ဒရှိလာသည်။
ချောက်ကမ်းပါးအောက်တွင်..
ရှုံးဟွီ၏ နံဘေးတွင် လဲလျောင်းနေသည့် မင်ရှဲသည် သင်္ချိုင်းဟောင်းဆီသု့် လှမ်းကြည့်ရန် သူ၏ ခန္ဓာကိုယ်အပေါ်ပိုင်းအား ရုတ်တရက် မတ်လိုက်ကာ လေးနက်သည့်လေသံဖြင့် ပြောလေသည်။
YOU ARE READING
သင်္ချိုင်းဟောင်းမှမြွေမိသားစု(ဘာသာပြန်)
Romancestory title လေးကို Description မှာထည့်ပေးထားမယ် တစ်ပတ် သုံးပိုင်း တင်ပေးပါမယ်နော် ဖတ်ပေးကြပါဦး???????? all credit to original author & e translator
