🐍Chapter 19
အိပ်မောကျနေသည့် ယင်တပိုင်အား ဟွားရှောင်ဟွား ဂုတ်ကိုကိုက်ခဲလိုက်ပြီး အိပ်မက်ကမ္ဘာမှ နိုးထစေလိုက်သည်။
အိပ်နေရာမှ ငေါက်ကနဲထထိုင်လာသည့် ယင်တပိုင်က ဟွားရှောင်ဟွားကို ငေးငိုင်လျက် ကြည့်နေသည်။ ရှောင်ဟွား... ကိုယ့်ကို အခုထိ ခွင့်မလွှတ်နိုင်သေးဘူးလားကွာ.. အိပ်တာတောင် ကောင်းကောင်းကန်းကန်းမအိပ်ရဘူး။ ယင်တပိုင် အတွေးထဲတွင် တိတ်တဆိတ် ညည်းငြူမိလိုက်သည်။
ဟွားရှောင်ဟွား ယင်တပိုင်အား အိပ်နေရာမှ နှိုးရသည့်အကြောင်းရင်းမှာ တကယ်တမ်းထိုသို့မဟုတ်ပေ။
"တပိုင်... ခင်ဗျား... ရှောင်ရှောင်းအတွက် ငှက်ဥမရှာပေးသေးဘူး မဟုတ်လား"
ဟင်... သူ့ကိုအိပ်နေရာက နှိုးလိုက်တာ... ရှောင်ရှောင်းအတွက် ငှက်ဥမရှာပေးရသေးလို့တဲ့လား။
ယင်တပိုင်တစ်ယောက် အထီးကြီးတန်မဲ့ ငိုချင်သွားသည်။ ယင်ရှောင်ရှောင်းက သူ့ကိုနေ့တိုင်း တစ်နေ့တစ်မျိုး မရိုးရအောင် ဒုက္ခပေးနိုင်လွန်းသည်။ သို့သော် ချစ်ရသူ၏စကားကို မလွန်ဆန်ဝံ့သည်မို့ သူပြောသည့်အတိုင်း တစ်သွေမတိမ်း လုပ်ဖို့ကလွဲလို့ အခြားရွေးချယ်စရာမရှိပေ။
"အင်း...ကိုယ်သိပြီ... အခုပဲသွားရှာလိုက်မယ်"
ယင်တပိုင် လေးတွဲ့စွာပြန်ဖြေရင်း ရှောင်ရှောင်းစားဖို့ ငှက်ဥရှာထွက်ရန် ပြင်ဆင်ရတော့သည်။
ဟွားရှောင်ဟွားက ယင်တပိုင်၏ ရင်ခွင်ထဲသို့ ခန္ဓာကိုယ်တစ်ခုလုံးကို ပစ်ဝင်မှီတွယ်ရင်း နှုတ်ခမ်းပါးကို အနမ်းပေးလိုက်သည်။ ထို့နောက် တိုးတိတ်ညင်သာသော လေသံဖြင့် ယင်တပိုင်အနားသို့ကပ်ကာ ပြောလိုက်သည်။
"မြန်မြန်သွားပြီး...မြန်မြန်ပြန်လာခဲ့"
ဟွားရှောင်ဟွားဆီမှ အနမ်းတစ်ပွင့် လက်ဆောင်ရလိုက်သောကြောင့် ယင်တပိုင်မှာ ထိုနေရာတွင် မျက်နှာကြီးပြုံးဖြီးပြီး အချိန်အတော်ကြာသည်အထိ မှင်သေစွာရပ်နေမိသည်။ အစောပိုင်းက မှိုင်တွေနေသည်မှာ သူမဟုတ်သည့်အတိုင်း ယခုမူ တက်ကြွသည့်ကြက်ဖတစ်ကောင်အလား။
BINABASA MO ANG
သင်္ချိုင်းဟောင်းမှမြွေမိသားစု(ဘာသာပြန်)
Romancestory title လေးကို Description မှာထည့်ပေးထားမယ် တစ်ပတ် သုံးပိုင်း တင်ပေးပါမယ်နော် ဖတ်ပေးကြပါဦး???????? all credit to original author & e translator
