🐍Chapter 27တွင်းပေါက်လေးထဲ၌ အိပ်ပျော်နေခဲ့သည့် ယင်ရှောင်ရှောင်း နိုးလာသည့်အချိန်တွင် ကောင်းကင်မှာ လင်းထင်းနေပြီးဖြစ်သည်။ တစ်ညလုံးနီးပါး ငိုကြွေးခဲ့သည်ကြောင့် မည်သည့်အချိန်တွင် အိပ်ပျော်သွားခဲ့မှန်း မသိလိုက်ချေ။
ယခုအခါတွင် သူ့မျက်လုံးများမှာ ဖူးယောင်လို့နေလေပြီ။ ဖူးယောင်နေသည့် မျက်လုံးများနှင့် အတူ ယင်ရှောင်ရှောင်း မူးနောက်လျက်နှင့် ဂူအဝသို့ သွားလိုက်သည်။
မျှော်လင့်မထားစွာဖြင့် ယင်တပိုင်နှင့် ဟွားရှောင်ဟွားတို့မှာ ဂူထဲတွင်ရှိကြသေးသည်။ ယင်ရှောင်ယိမှသည် ဟွားရှောင်ဝူအထိ မြွေပေါက်လေး ငါးကောင်မှာလည်း နာခံစွာဖြင့် အိမ်တွင်သာ ရှိနေကြလေသည်။
မည်သို့ပင် ဆိုစေကာမူ ယင်ရှောင်ရှောင်းမှာ စိတ်ဆိုးနေဆဲ ဖြစ်သဖြင့် ထိုမြွေများအားလုံးကို စကားမပြောချေ။ သူ၏နံဘေးကပ်လျက်တွင် ရှိနေသည့် ဟွားရှောင်ဟွားကိုပင် သိသိသာသာ လျစ်လျူရှုလိုက်လေသည်။ ယင်ရှောင်ရှောင်း ဂူအဝသို့သွားကာဖြင့် ဝမ်းလျားမှောက်လိုက်ပြီး ဗလာမျက်လုံးများဖြင့် အပြင်သို့ ကြည့်နေလိုက်သည်။
ယင်ရှောင်ရှောင်း စိတ်ခံစားချက် ပိုကောင်းမလာချေ။ ဟွားရှောင်ဟွား၊ ယင်တပိုင်နှင့် ကျန်မြွေပေါက်လေးများမှာလည်း ထိုနည်းတူပင်ဖြစ်လေသည်။ ယင်ရှောင်ရှောင်းမှာ မှတ်ဉာဏ်အမွေမရှိသည့် မြွေတစ်ကောင်ဖြစ်သော်ငြား အလွန်ချစ်စဖွယ်ရာ ကလေးလေးဖြစ်နေဆဲပင်။
အဲဒီလို ကလေးလေးက ငါတို့စကားကို ဘာလို့များ နားမထောင်ချင်ရတာလဲနော်..
ပါပါးနဲ့ ဖေဖေက သားသားကောင်းဖို့အတွက် အခုလိုလုပ်ရတာပါကွယ်..
ရှောင်ရှောင်းလေးက ဘာလို့များ မနာခံနိုင်ရတာလဲ..
ဘာပဲဖြစ်ဖြစ်လေ.. ပြောစရာရှိတာတော့ ပြောပြီးသွားပြီ.. ဒါကလည်း ငါလေးရဲ့ ပထမဆုံးအကြိမ် မိဘဖြစ်ဖူးတာဆိုတော့လည်း..
နေ့လယ်ခင်းထိတိုင်အောင် ဟွားရှောင်ဟွားမှာ စိတ်ဆိုးနေဆဲဖြစ်သည်။
YOU ARE READING
သင်္ချိုင်းဟောင်းမှမြွေမိသားစု(ဘာသာပြန်)
Romancestory title လေးကို Description မှာထည့်ပေးထားမယ် တစ်ပတ် သုံးပိုင်း တင်ပေးပါမယ်နော် ဖတ်ပေးကြပါဦး???????? all credit to original author & e translator