ကုန်စုံဆိုင်နဲ့အတူ ရှေးခေတ်သို့ကူးပြောင်းခြင်း(MMtran)

chapter -36-[တံခါးလာခေါက်ခြင်း]

~တံခါးလာခေါက်ခြင်း~

ချန်းရှိုရှီး အိမ်တွင်ဖြစ်သည် ။

ချန်းရှိုရှီးရဲ့ ဇနီး ကျန်းယွဲ့ဟုန် က တောင်တန်းသဖွယ် လက်အိတ်အပုံလိုက်ကြီးကို ကြည့်ကာ မျက်မှောင်ကြုတ်ပြီး -

" ကျွန်မတို့ အကောင်းဆုံးသား‌ရေနဲ့ လက်အိတ်လုပ်ထားတာတောင် ဘာလို့ ဘယ်သူမှလာမဝယ်ကြတာလဲ ။ "

ချန်းရှိုရှီး သက်ပြင်း ချမိလိုက်သည် ။ ချန်းရှောင်ခိုင် လက်အိတ်ရောင်းတာကနေ အမြတ်များများရတယ်လို့ ကြားတာနဲ့ သားရေ ကို အလုအယက် သွားဝယ်တာဖြစ်သည် ။ သူက လက်အိတ်လုပ်ဖို့ဝယ်ချင်ကြတဲ့ သူတွေကိုတောင် ယှဉ်ပြိုင်ခဲ့ရသည် ။ မူရင်းဈေးနှုန်းထက် ငွေနှစ်ပြားပိုကာ ငွေခုနှစ်‌ပြားပေးချေခဲ့သည် ။

ချန်းရှိုရှီးက သူလိုချင်တဲ့ပမာဏအပေါ်အခြေခံတွက်ချက်ကာ မြေခွေး‌သားရေ လက်အိတ်တစ်ဒါဇင်လောက် ပြုလုပ်နိုင်ရန် ဝယ်ခဲ့သည် ။ သူက အနည်းဆုံးငွေပြားနှစ်ဆယ်လောက် သုံးခဲ့သည် ။ သို့သော် ယခုမူ လက်အိတ်တစ်စုံတောင် မရောင်းရချေ ။

ပစ္စည်းချင်းအတူတူတောင် ချန်းရှောင်မီအတွက် သခင်လေးတွေက ငွေနှစ်ပြား ၊ သုံးပြားပေးဖို့ အလိုရှိ‌နေကြပေမယ့် အခု သူငွေတစ်ပြားနဲ့ရောင်းတာတောင် သူ့ဆီမှာ မဝယ်ချင်ကြတာက ခေါင်းရှုပ်စေသည် ။ သူက ထိုကိစ္စအပေါ် များစွာအားထုတ်ထားတာဖြစ်သည် ။

ချန်းရှိုရှီးက သူ့သွားများကိုကြိတ်ကာ ချန်းရှောင်မီထံ အရာအားလုံး အပြစ်တင်တော့သည် ။

ချန်းရှိုရှီးရဲ့သား ချန်းကျင်းကတော့ အခြားတစ်ဖက်မှာ သာယာနေပေသည် ။ သူက နေ့ရက်တိုင်း လက်အိတ်အသစ်တစ်စုံရရှိနေခြင်းဖြင့် အတန်းဖော်တွေဆီမှအာရုံစိုက်ခံနေရတာကြောင့် သဘောကျနေသည် ။ သူ့ဆီမှာ ချမ်းသာတဲ့မိသားစုကလာတဲ့ အတန်းဖော် အနည်းငယ်သာရှိပေမယ့် အများစုမှာ သာမန်လူတွေသာဖြစ်သည် ။

ကျန်းယွဲ့ဟုန်က သူ့သားကို အလောတကြီးဖြင့် -

" သားရဲ့အတန်းဖော်တွေကရော အမေတို့ဆီမှာ လက်အိတ်လာမဝယ်ကြဘူးလား ။ "