chapter -46-[နွေဦး အင်ပါယာစာမေးပွဲလာပြီ]
လုလင်းနဲ့ချန်းညီအစ်ကိုတွေအတွက် နေ့ရက်တွေက ပုံမှန်အတိုင်းကျော်ဖြတ်သွားပေမယ့် မြို့ပေါ်မှာ ကျောင်းသွားတက်ကြတဲ့လူငယ်တွေကတော့ ထောင့်ပေါင်းစုံကနေ နွေဦး အင်ပါယာစာမေးပွဲအကြောင်း ပြောလာကြသည် ။
ထိုလူငယ်တွေရဲ့ မိသားစုတွေကလည်း သူတို့အတွက် တိတ်ဆိတ်ငြိမ်သက်တဲ့ပတ်ဝန်းကျင်ကိုဖန်တီးပေးနိုင်ဖို့ ကြိုးစားလာကြသည် ။ သူတို့က အသံကိုတိုးကာ ဆူညံသံတွေ လျော့ချပေးကြသည် ။
" လင်းကောကော ၊ အခု အောင်သွယ်တွေက လုတွေဆီ အများကြီးလာလည်ကြတာသိပြီးပြီလား ။ "
ချန်းရှောင်ခိုင်မေးလေသည် ။
" ဟမ် ၊ အောင်သွယ်တွေ ၊ ဘယ်သူ့အတွက်လည်း ။ "
" တချို့ကတော့ လုထုန်အတွက် ၊ ကျန်တဲ့သူတွေက လုချောင်ယုအတွက် ။ ဒါပေမယ့် လုထောင်က လုချောင်ယုကို အရင်ဆုံး စာမေးပွဲကိုအာရုံစိုက်ထားသင့်တယ်လို့ပြောလို့ သူတို့က လုထုန်ကို အဓိကထားပြီး သွားကြတယ် ။ ရွာသားတွေကတော့ လုချောင်ယုကိုအရမ်းမာနကြီးပြီး အထက်စီးဆန်တယ်လို့ပြောကြတယ် ။ ရွာကမိန်းကလေးတွေအတွက် သူကအရမ်းကောင်းလွန်းနေပြီး သူသာ ရှုခိုင် တစ်ယောက်ဖြစ်လာရင် မြို့ပေါ်ကအမျိုးသမီးကို လက်ထပ်ယူနိုင်တယ်လို့ ထင်နေတာတဲ့ ။ "
(ရှုခိုင် - အင်ပါယာစားမေးပွဲအောင်မြင်သူ)
ချန်းရှောင်ခိုင်က လင်းလက်နေတဲ့မျက်နှာဖြင့် ပြောသည် ။
လုလင်း ချန်းရှောင်ခိုင်ရဲ့ပြောင်းလဲနေမှုကြောင့် အံ့အားသင့်သွားသည် ။ ချန်းရှောင်ခိုင်က အမြဲလိုလို မျက်နှာထူထူဖြင့် သုန်မှုန်နေတတ်သောသူဖြစ်ပေမယ့် အခုတော့ အရမ်းပျော်ရွှင်နေသလိုပင် ။ သူ့သူငယ်ချင်းလေးတွေက သူစိတ်ခံစားချက်ပွင့်လင်းလာအောင် ကူညီပေးလိုက်တာဖြစ်ရမယ်လို့ လုလင်းထင်မိသည် ။
" ကျန်းတာ့ဟူ ပြောတာလား ။ "
" ကျန်းတာ့ဟူတင်မဟုတ်ဘူး တခြားကလေးတွေကပါ ဒီလိုတွေပြောနေကြတာ ။ "
လုလင်း ပြုံလိုက်ကာ -
" ကောင်းတယ်ခိုင် ။ မင်းနဲ့မင်းသူငယ်ချင်းတွေ ပြေလည်လာကြပြီ ။ "
YOU ARE READING
ကုန်စုံဆိုင်နဲ့အတူ ရှေးခေတ်သို့ကူးပြောင်းခြင်း(MMtran)
FantasyAuthor. - Ye Yilou English translator. - Yuel-23 Status - Complete Genre . - Fantasy Romance, Slice Of Life,Yaio Notice --- Just Translation Description -လုလင်း( Lu Lin )သည် မြို့ကြီ...
