The Lady in Shining Armor: Monte Carlo High

XIX. Problems

Hay! After some days, eto na ang update! This is a filler one, so medyo wala siyang kwenta. lols

***Rachel's POV***

We tried to continue with our lives as normal as possible pero mahirap. Parang naging paranoid na rin ako kagaya ni Dawn. Alam kong ganun din sila Jade at Clara kahit hindi nila pinapahalata. We were all wearing our masks. Inabala namin ang mga sarili namin sa iba't ibang gawain-- si Jade inaasikaso ang nalalapit na JS Prom, si Clara nag-hahanda na sa inter-High competition sa Archery at ako nag-re-ready na for Finals in next week. I was getting low grades recently at hindi ito ang mga grades na gusto kong ipakita sa Daddy ko sa katapusan ng school year.

I was brushing my shoe nang mag-ring ang cellphone ko. I checked the name on the screen and it's from an unregistered number. I pressed the answer button and put it on my ear. "Hello?"

"Good morning, Rachel. This is Inspector Gia Chan." Bigla akong na-alerto upon hearing her voice again. Kamusta na kaya yung kaso namin?

"G-Good morning din po, Inspector."

"I have news for you. Maecy's case has been re-opened at na-file ko na rin yung mga statements niyo. Pupunta ang mga tauhan ko diyan mamaya or early tomorrow to interview Mr. Julio." I was relieved to know na may chance pa para mabigyan ng katarungan ang pagkamatay ni Maecy. "Pero hindi madali ang kasong ito, Rachel." I froze and waited for her to continue. Bakit hindi magiging madali? "As I looked into his profile, Gary Julio is the son of one of the founders of Monte Carlo High School."

"Ano po? Anak ng founder?" I tried to remember the names of the founders of Monte Carlo-- Henradez, Chase at Monte Carlo. Anong sinasabi ni Inspector?

"Anak sa labas. His father is Enrique Henradez and his mother was a teacher in Monte Carlo in the early days. She died ten years ago and since then, kinupkop na ni Enrique si Gary." So, wala na kaming laban? Kaya pala ang lakas ng loob niyang gumawa ng ganun dito at tumatahimik lang ang lahat sa ginagawa niya. He's playing inside his own arena where no one can defeat him. Oo, wala nga kaming laban. 

"So, wala na po ba'ng pag-asa?" 

"Meron naman, Rachel. Huwag kayong pang-hinaan ng loob. Kakampi natin ang batas, we just need to play our cards right. Yun lang muna sa ngayon, I will contact you again kung meron pang development sa kaso." Para akong naubusan ng lakas sa narinig ko. Bumabangga pala kami sa pader. 

"Sige po, Inspector Chan. Maraming salamat po." Mahina kong sabi.

"Rachel."

"Po?"

"Try to find others who are possible victims. That will help us a lot." Yun lang ang natapos na ang tawag. Other victims? Anong ibig niyang sabihin? May iba pang kagaya ni Maecy? 

"Makes sense." Sabi ni Jade nung lunch break namin. Sinabi ko sa kanila ang tungkol sa tawag ni Inspector Chan kaninang umaga. "Kung meron man tayong makikitang biktima, mas malakas ang ebidensya natin."

"KUNG may makikita tayo. Eh kung kagaya ni Maecy ang hinahanap natin, may aamin ba?" Sabi ni Clara. Ayoko sanang mag-isip ng negative pero may point siya. Sino ba'ng aamin na inaabuso siya ng isang teacher dito? Napabuntong-hininga na lang ako. Na-f-frustrate na ako. May magagawa pa ba kami?

"So ano na? Wala na tayong pwedeng gawin?"

"Mag-review." Napalingon kami nang may magsalita sa likuran namin. Malapit na akong atakihin sa puso sa pabigla-bigla niyang pagsulpot-sulpot.