ကင်မ်ထယ် ခြေကိုဖော့နင်းကာ အိမ်ထဲသို့ဝင်လိုက်သည်။
အချိန်က မနက်၄နာရီ။ ခဏနေ ကိုကြီးအိပ်ယာထတော့မယ်ဆိုတာသိပေမယ့် သူကြောင့်တော့ မနိုးစေလို။
" ထယ် အခုမှ ပြန်ရောက်တာလား? "
ကိုကြီးကကော်ဖီခွက်ကိုင်ရင်း အပေါ်ထပ်မှလှမ်းမေးလိုက်သည်။
" ဟုတ်ကိုကြီး..ဒီနေ့အစောကြီးနိုးနေပါလား "
ကိုကြီးနိုးလာတာနဲ့ အရင်ဆုံးလုပ်သည်မှာ ကော်ဖီနှပ်ခြင်းပင်ဖြစ်သည်။ နိုးနိုးခြင်း ကော်ဖီခါးခါးမှမသောက်ရရင် သူစိတ်မကြည်ပါ။ ကင်မ်ထယ်ကတော့ အခါးဆိုလုံးဝမကြိုက်။ ငယ်ငယ်ထဲက ချိုပေ့ဆိုတာလေးတွေပဲရွေးစားတတ်သည်။
ကိုကြီးနှင့်သူမတူတာတွေကတော့ ပြောလို့ပင်ကုန်နိုင်မည်မဟုတ်ပါ။ သို့သော်သူတို့ညီအစ်ကိုနှစ်ယောက်က တစ်ယောက်ကိုတစ်ယောက် နားလည်မှုအပြည့်ရှိကြသည်။
" အင်း..ကိုကြီးအလုပ်နည်းနည်းရှိလို့ "
" ဟုတ်..ထယ်အိပ်တော့မယ်နော် "
အမှန်တော့ ကင်မ်ဆော့ဂျင်အလုပ်ကြောင့်စောစောနိုးနေခြင်းမဟုတ်ပါ။ ညထဲကကောင်းကောင်းအိပ်မပျော်ခြင်းဖြစ်သည်။ ဒီလိုဖြစ်နေတာ လွန်ခဲ့တဲ့တစ်ပတ်က မေမေလေးဆီမှအဆက်အသွယ်ရပြီးထဲဖြစ်သည်။
" ဆော့ဂျင် အခုနောက်ပိုင်း ဖေကြီးရဲ့ကျန်းမာရေးက အခြေအနေမကောင်းဘူး "
" သားကြီးနဲ့သားငယ်တို့ ဒီထက်နောက်မကျခင် ဖေကြီးအနားမှာ လာနေပါတော့ "
" ဖေကြီးက ပါးစပ်ကသာထုတ်မပြောပေမယ့်သားတို့ကိုမျှော်နေရှာတယ် "
မေမေလေးက သူတို့ညီအစ်ကိုအတွက် မိထွေးဖြစ်သော်လည်း သူတို့အပေါ် မေတ္တာစစ်မှန်ရှာသည်။ ဒါပေမယ့် ထယ့်အတွက်တော့ ဖေကြီးကိုလုယူသွားသည့်မိန်းမတစ်ယောက်အပြင်မပိုပါ။
မေမေလေးက ဖေကြီး၏အချစ်ဦးဖြစ်သည်။ မေကြီးဆုံးပြီး ထယ့်အသက် ၇ နှစ်အရွယ်ရောက်တော့ ဖေကြီးက မေမေလေးရှိသည့် အမေရိကကိုလိုက်သွားသည်။ သူတို့ညီအစ်ကိုနှစ်ယောက်ကိုပါ အပါခေါ်သွားဖို့ကြိုးစားခဲ့ပေမယ့် ထယ့်ကြောင့်လက်လျှော့ခဲ့ရသည်။
ESTÀS LLEGINT
My Sweetest Caffeine
Literatura romàntica💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~