မနက်ဖြန်ပြန်တော့မည်ဖြစ်၍ လာနှုတ်ဆက်သောဂျွန်းနှင့် ဆိုင်ရှေ့မှာစကားခဏပြောပြီးနောက် ယွန်းဂီဆိုင်ထဲပြန်ဝင်လာသည်။
အပြင်မှာထဲက သူတို့ကိုဂျီမင်းကြည့်ကြည့်နေတာ သတိထားမိသည်။ အခုဆိုင်ထဲရောက်တော့လည်း ဂျီမင်းကတစ်ခုခုပြောစရာရှိနေသလိုပင်။
ဂျီမင်းကစပ်စပ်စုစုတွေမလုပ်တတ်ဘဲ အေးဆေးတဲ့ကောင်လေးဖြစ်ကြောင်း ယွန်းဂီသိသည်။ ထို့ကြောင့် သူကပဲစကားစပေးလိုက်သည်။
" ဂျီမင်း..အစ်ကို့ကို တစ်ခုခုပြောချင်တာရှိလို့လား "
" ကျနော်တစ်ခုမေးချင်လို့ပါ စည်းကျော်သလိုဖြစ်ရင်တောင်းပန်ပါတယ်..ခုနကလူက တကယ်ပဲ အစ်ကိုယွန်းဂီရဲ့ချစ်သူလား "
တစ်ခုခုကိုသိပြီးအတည်ပြုချင်သလိုမေးလိုက်သောဂျီမင်းကြောင့် ယွန်းဂီအံ့ဩသွားမိသည်။
" ဂျီမင်းကဘာတွေကြားထားလို့လဲ "
" ဟို.. "
ဂျီမင်းဖြေရခက်နေပုံပေါက်တာကြောင့် ယွန်းဂီကပဲဆက်ပြောလိုက်သည်။
" အရင်တုန်းကတော့ဟုတ်တယ်..အခုတော့ရိုးရိုးမိတ်ဆွေတွေပါပဲ..သူမနက်ဖြန်ပြန်တော့မှာမို့လို့လာနှုတ်ဆက်တာ "
" ဗျာ "
ဂျီမင်းရဲ့ပုံစံမှာ တော်တော်ကိုနားလည်ရခက်နေသောကြောင့် ယွန်းဂီသိပ်စိတ်မရှည်တော့ပါ။
" ဂျီမင်း..ဘာတွေဖြစ်နေတာလဲ "
" ခဏလေး ခဏလေးနော် "
ဂျီမင်းကနောက်ဖေးကိုပြေးဝင်သွားပြီးနောက် တိတ်ခွေတစ်ခွေကိုကိုင်ကာပြန်ထွက်လာသည်။
ဘယ်လိုမှမဖျက်ဆီးရက်သောကြောင့် သူ့အိတ်ထဲမှာပဲသောင်တင်နေသောတိတ်ခွေလေးကို ဂျီမင်း ပိုင်ရှင်ဆီပို့ပေးချိန်တန်ပြီဖြစ်သည်။
" ဒါလေးက ထယ်ထယ်အစ်ကိုယွန်းဂီအတွက် လုပ်ပေးထားတဲ့တိတ်ခွေလေးပါ..အမှန်တော့ ထယ်ထယ်ကအစ်ကိုယွန်းဂီ Gallery သွားတဲ့နေ့ကပေးဖို့ရည်ရွယ်ခဲ့တာပါ..ဆက်ဆက်နားထောင်ကြည့်လိုက်ပါ "
" ..ပြီးတော့ ကိုကြီးဂျင်ပြန်ရောက်တဲ့နေ့က အိမ်မှာထယ်ထယ်မူးလဲသွားတယ်..အဲ့ဒါကြောင့် ဆိုင်ဘက်ကိုမလာနိုင်ခဲ့တာပါ "
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~
