" ဂျီမင်း ကောင်းသွားပြီလား "
" ဟုတ်အစ်ကိုယွန်းဂီ "
" ညက ကုကုက မင်းအစောကြီးအိပ်ပျော်နေပြီလို့ စာပို့ထားလို့ငါတို့လာမကြည့်တော့တာ "
ထယ်ထယ့်စကားကြောင့် ဂျီမင်းကုကုကို မျက်စောင်းထိုးကြည့်မိတော့ အကြံပိုင်လှသော ကုကုက စပ်ဖြဲဖြဲရီပြနေသည်။
" ကဲ ငထယ်ကောင်နဲ့သူငယ်ချင်းတို့ လေးလေးဟိုဆော့ကို သတိရရင်လာလည်ကြနော် "
" ဟုတ်ကဲ့ လေးလေး..ဆိုင်အတွက် ကူညီပေးတာကျေးဇူးတင်ပါတယ် "
" အေး အေး ဂျီမင်း ကျန်းမာရေးဂရုစိုက်..ဒါနဲ့ ငထယ်ကောင်ငြိမ်နေပါ့လား ပြန်ခါနီးဘာတွေအကြံထုတ်နေပြန်တာလဲ "
" မဟုတ်ပါဘူး လေးလေးကလည်း..ကျနော်ဒီနားခဏလမ်းလျှောက်ထွက်လိုက်ဦးမယ် "
ကင်မ်ထယ့်ရင်ထဲတွင် မနေ့က၀မ်းနည်းစိတ်ကအရှိန်မပျယ်သေးပါ။ ဘယ်ကိစ္စကိုမဆို စိတ်ထဲကြာကြာမထားတတ်သော်လည်း အစ်ကိုယွန်းဂီနှင့်ပတ်သက်ပြီး သူဒီလိုထိခိုက်လွယ်နေပြီဖြစ်သည်။
အစ်ကိုယွန်းဂီအတွက်သူကအရေးပါတဲ့သူတစ်ယောက်ဖြစ်ချင်သည်။ အစ်ကိုယွန်းဂီနှင့်ပတ်သက်သမျှ အကုန်သူသိချင်သည်။
" ထယ် "
တိတ်တိတ်လေးအနောက်ကလိုက်လာသော ယွန်းဂီကလှမ်းခေါ်လိုက်သည်။
" ထယ် ဘာဖြစ်လို့လဲ "
" ဘာမှမဖြစ်ပါဘူး "
" ဖြစ်ပါတယ်..မနေ့က ကိုယ်တစ်ခုခုအမှားလုပ်မိတာရှိလို့လား "
" မရှိပါဘူး..ထယ့်ဘာသာစိတ်မကောင်းလို့ "
" ဘာကိုလဲ ထယ် "
" အစ်ကိုယွန်းဂီအတွက်ထယ်က ကိုကြီးရဲ့ညီသာမဟုတ်ရင် ဘာအဓိပ္ပါယ်မှမရှိဘူးလားဟင် "
ဒီမေးခွန်းမှာယွန်းဂီကိုယ်တိုင်အဖြေရှာချင်နေသောမေးခွန်းဖြစ်သည်။
မနေ့ညကတည်းက ထယ်ငြိမ်နေတော့ အလိုက်ကန်းဆိုးမသိတတ်သူမှာ ဘယ်လိုလုပ်ပေးရမှန်းမသိ၊ ဘာပြောရမှန်းမသိဖြင့် တစ်ညလုံးကောင်းကောင်းအိပ်လို့မပျော်ခဲ့ပါ။ ဒါဟာ အစ်ကိုဂျင်ရဲ့ညီလေးမို့လို့ဆိုသောအကြောင်းပြချက်တစ်ခုနဲ့တင်မလုံလောက်တော့ပါ။
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~