အိမ်ရှေ့မှာရပ်စောင့်နေတဲ့ကုကု။
ဒီနေ့နဲ့ဆို ဂျီမင်းကုကုကိုပတ်ပြေးနေတာ တစ်ပတ်ခန့်ရှိပြီဖြစ်သည်။ သူရှောင်နေမှန်းသိတာကြောင့်ကုကုကလည်း အလိုက်တသိရှောင်နေပေးခဲ့သည်။
ကုကုကိုမြင်လိုက်တာနဲ့ ဂျီမင်းရင်ထဲမှာတလှပ်လှပ်ဖြစ်လာပြီး ထွက်ပဲပြေးချင်သလို ထိုင်ပဲငိုချင်သလိုတွေဖြစ်လာသည်။
" ကျနော် ကျနော် တောင်းပန်ပါတယ်..ခင်ဗျားကို ဒီလိုအလန့်တကြားဖြစ်စေဖို့မရည်ရွယ်ပါဘူး "
" ကျနော်အရမ်းနောင်တရတယ် "
ပြောရင်းနှင့်မျက်ရည်တွေပြည့်လျှံတက်လာသူမှာ သူ့နှုတ်ခမ်းတွေကိုသိမ်းပိုက်ခဲ့တဲ့ယုန်ဆိုးလေးမဟုတ်သလိုပင်။
" ကျနော့်ကိုမမုန်းပါနဲ့နော်..မရှောင်ပါနဲ့နော်..ခင်ဗျားမကြိုက်ရင် ကျနော်လက်ဖျားနဲ့တောင်မထိတော့ပါဘူး..ကျနော့်ကိုမခေါ်ဘဲတော့မနေလိုက်ပါနဲ့နော် ကျနော်မခံစားနိုင်လို့ပါ "
ကုကုက ကလေးလေးတစ်ယောက်လိုပင် အော်ငိုရင်းတတွတ်တွတ်ပြောနေရှာသည်။
" အေးပါ ကုကုရယ်..မငိုနဲ့တော့နော် "
ဂျီမင်းလည်းမနေနိုင်တော့တာကြောင့်အသာအယာဖက်ပြီးချော့လိုက်တော့မှ ကုကုကသူ့ကိုဖက်ကာပိုငိုလေတော့သည်။
" ကျနော်ခင်ဗျားကိုချစ်လို့ပါ..ခင်ဗျားကိုအရမ်းချစ်လို့ပါ..ကျနော့်ကိုမမုန်းပါနဲ့နော် "
" အေးပါ အေးပါ ကုကုရယ် လိမ္မာတယ် တိတ်တော့နော်..ဒီလောက်ငိုနေတာခေါင်းတွေကိုက်ကုန်မယ် "
သူပဲအတင်းနမ်း ပြီးတော့ ရည်းစားစကားကိုငိုပြီးပြောကာ အနမ်းခံရတဲ့သူ၊ အပြောခံရတဲ့သူကပြန်ချော့ရအောင်လုပ်နိုင်သူမှာ ဒီကမ္ဘာတွင် ဒီဂျစ်တူးတစ်ကောင်ပဲရှိမည်ထင်သည်။
ဂျောင်ကုငိုလို့ဝသွားချိန် နှစ်ယောက်သားခပ်အန်းအန်းဖြစ်ကာ ဘာမှမပြောနိုင်ဖြစ်နေသည်။ ခဏအကြာ ခေါင်းကြီးငုံ့ထားသော ကုကုဆီမှ အသံထွက်လာသည်။
" ဂျီမင်း "
" ကျနော်ခုနကငိုပြီးပြောလိုက်တာပေမယ့် ခံစားချက်တွေကတော့ အစစ်အမှန်ပါ "
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~