" ဂျီမင်း မနက်စာကို ဆန်ပြုတ်လေးသောက်လိုက်နော် "
" အာ..ကျေးဇူးပါ အစ်ကိုယွန်းဂီ "
" ငါတို့လည်းမသွားတော့ဘဲ နေပေးရမလား "
" ထယ်ထယ်ကလည်း ကောင်းနေပါပြီကွာ..စိတ်မပူနဲ့ ကုကုလည်းရှိတာပဲ "
ပြောမယ့်သာပြောရသော်လည်း ဂျီမင်းနေမကောင်းဖြစ်တိုင်း ဂျောင်ကုကအရိပ်တကြည့်ကြည့်ပြုစုပေးနေကျဖြစ်လို့ ကင်မ်ထယ်စိတ်ချပါသည်။
" အေးပါ..ကုကု တစ်ခုခုဆိုဖုန်းဆက်..အော် ဒီမှာကင်မရာ ဟိုနားဒီနားလျှောက်ရိုက်ချင်ရိုက်ပေါ့ "
ကင်မ်ထယ်အပြင်သွားချင်သည်ဆိုသည်မှာ အစ်ကိုယွန်းဂီကိုနေရာလှလှလေးတွေခေါ်သွားကာ ပန်းချီဆွဲစေဖို့ဖြစ်သည်။
" ထယ်..ကိုယ့်ကိုတစ်နေရာလိုက်ပို့လို့ရမလား "
" အစ်ကိုယွန်းဂီ ဘယ်သွားချင်လို့လဲ "
" မြို့ပြင်ကဘုရားရှိခိုးကျောင်း "
" ရတယ်လေ ထယ်လည်းမြို့ပြင်ဘက်ခေါ်သွားဖို့ပဲ..အဲ့ဘက်ကသာယာတယ် "
တစ်လမ်းလုံးသူ့အဖြူရောင်လူသားလေးက ဆိုင်ကယ်ခုံကိုသာကိုင်ပြီး ငြိမ်ငြိမ်လေးလိုက်လာသည်။
နာရီ၀က်လောက်မောင်းပြီးသောအခါ ဘုရားရှိခိုးကျောင်းသို့ရောက်လာသည်။
" အစ်ကိုယွန်းဂီ ဒီကိုရောက်ဖူးလို့လား..ဒီနေရာကိုဘယ်လိုသိတာလဲ "
" ရောက်ဖူးတာမဟုတ်ဘူး နေဖူးတာ "
" ဗျာ "
" ဒီနေရာလေးကကိုယ့်အိမ်ဖြစ်ခဲ့ဖူးတယ် "
ကင်မ်ထယ် သေချာကြည့်မိမှ ပန်းချီပြခန်းတုန်းက အိမ်ဆိုသောပန်းချီထဲက ဘုရားရှိခိုးကျောင်းလေးနဲ့တစ်ပုံစံထဲပင်ဖြစ်သည်။
" ယွန်း..ယွန်း မဟုတ်လား "
အသံလာရာလှည့်ကြည့်မိတော့ အသက်ကြီးကြီး စစ္စတာကြီးတစ်ယောက်။
" ဟုတ်ပါတယ် မေမေကြီး "
" မေမေကြီးနေကောင်းလား "
" ကောင်းပါတယ်ကွယ် အထဲကိုလာယွန်း "
အစ်ကိုယွန်းဂီကသူ့ကိုပါလှည့်ပြီးခေါ်လိုက်တာကြောင့် ကင်မ်ထယ်အနောက်ကနေလိုက်သွားလိုက်သည်။
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~
