" Ugh Ugh Ugh ဟဲရာ Ugh "
အိပ်ရေးမဝသေးချိန်ကြားလိုက်ရသောဖုန်းမြည်သံ။
" ဘယ်သူလဲကွာ "
ကင်မ်ထယ်မျက်လုံးမှိတ်ထားရင်းကပဲ ဖုန်းကိုဖြေလိုက်သည်။
" အစ်ကိုထယ်ထယ် ဒီနေ့အားလား "
" အားရင်သင်တန်းကိုလာခဲ့ဦး..ဂျီမင်းအလုပ်လုပ်နေတဲ့ဆီသွားရအောင် "
သူမေးတာကိုမဖြေဘဲ ပြောချင်တာတွေဆက်တိုက်ပြောနေထဲက ကုကုမှန်းသူသိလိုက်သည်။
" နေဦးကွာ မနိုးသေးဘူး၊ နိုးရင်လာမယ် "
" ဆက်ဆက်လာခဲ့နော်၊ ကျနော်စောင့်နေမှာ "
" အေး "
ဒီလောက်ချော့မော့ပြောနေပုံထောက်ရင် ဒီကောင်လေးဂျီမင်းကြောင့်နဲ့ တစ်ခုခုဖြစ်နေတာ သေချာနေပြီ။
ဂျောင်ကုက ဂျီမင်းအနားကို ဘယ်သူမှကပ်တာမကြိုက်သော်လည်း ကင်မ်ထယ်ကတော့ခြွင်းချက်ဖြစ်သည်။
ဂျီမင်းနှင့်ကင်မ်ထယ်တို့ အလယ်တန်းကျောင်းသားဘဝတွင် သူငယ်ချင်းများဖြစ်ခဲ့ကြသည်။
ထိုအချိန်ထဲက သူ့ကိုဘုကြည့်ကြည့်ပြီး ဂျီမင်းအနားမှာပီကေလေးလိုကပ်နေသော ဂျောင်ကု၏ခံစားချက်များကို ကင်မ်ထယ်ရိပ်မိခဲ့သည်။ ပွင့်ပွင့်လင်းလင်းဖွင့်မေးကြည့်တဲ့အခါ ဂျောင်ကုကတည်ငြိမ်စွာပဲဝန်ခံခဲ့သည်။ ထိုအချိန်မှစ၍ ကင်မ်ထယ်နှင့်ဂျောင်ကုတို့ နားလည်မှုရခဲ့ကြသည်။
ကင်မ်ထယ်ကိုယ်တိုင်ကလည်း ဂျောင်ကုကဲ့သို့ပင် ယောကျာ်းလေးချင်းချင်းသာစိတ်ဝင်စားသူဖြစ်သည်။ သို့သော်ကုကုလို သူတကယ်ချစ်ရတဲ့သူကိုတော့ အခုအချိန်ထိမတွေ့သေးပါ။
#...☕...#
ဂျီမင်းကျောင်းနားပြီးနောက်ပိုင်း သူတို့လူချင်းသိပ်မတွေ့ဖြစ်တော့ဘဲ online ကနေအဆက်အသွယ်လုပ်ကြတာများသည်။
ဂျီမင်းအချိန်ပိုင်းအလုပ်လုပ်နေသည့်အကြောင်းကိုသိထားသော်လည်း သေချာမမေးကြည့်ဖြစ်သေး။
" ကုကုတော့ ဘာတွေဂျေကိုက်နေပြန်ပြီလည်းမသိဘူး "
ကင်မ်ထယ် တွေးရင်းဖုန်းခေါ်လိုက်သည်။
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~