ဂျောင်ကုဆီက Message ရရခြင်း ကင်မ်ထယ် ထခုန်မတတ်ပင်ပျော်သွားသည်။
ကံတရားကသူ့ကို ဒီလိုမျိုးလိုလိုလားလား ကူညီပေးတယ်တဲ့လား။
အိမ်ပေါ်ကဆင်းမည်ဆိုရင်တောင် အထုပ်တွေတော့ယူရဦးမှာမလို့ ကိုကြီးပြန်မရောက်သေးမယ့်အချိန်ကိုမှန်းကာ သူအိမ်ပြန်လာလိုက်သည်။
" ထယ်..ခဏလာထိုင်ဦး "
ကံဆိုးချင်တော့ဧည့်ခန်းထဲမှာ မိန့်မိန့်ကြီးထိုင်နေတဲ့ကင်မ်ဆော့ဂျင်။
" ထယ် ကိုကြီးတောင်းပန်ပါတယ်..မနေ့ကကိုကြီးဒေါသထွက်လို့.."
" ရပါတယ်..ထယ်လည်းတောင်းပန်ပါတယ်..ဒါပေမယ့် ထယ့်ကိုမဖြောင်းဖြပါနဲ့..ကိုကြီးနဲ့မလိုက်နိုင်ဘူး "
" ကိုကြီးမနက်ဖြန်သွားတော့မယ်ထယ်..မနက်ကမေမေလေးထပ်ပြီးဆက်သွယ်လာတယ်..ဖေကြီးကိုဆေးရုံတင်လိုက်ရတယ်တဲ့..ထယ် ဆုံးဖြတ်ချက်က တကယ်သေချာပြီလား "
ကင်မ်ထယ်ရင်ထဲမှာစူးခနဲဖြစ်မိသည်။ သို့သော်နာကျည်းစိတ်များကချက်ချင်းပင် ပြန်၍ဖုံးလွှမ်းသွားသည်။
" သေချာပြီကိုကြီး "
" ပြီးတော့ထယ်အိမ်မှာမနေတော့ဘူး..ထယ်လည်းအရွယ်ရောက်နေပြီပဲ ကိုကြီးပြောသလို ကိုယ့်ဘာကိုယ်ရပ်တည်သင့်နေပါပြီ "
" ထယ်ရယ်..ကိုကြီးကစိတ်ဆိုးလို့..."
" ထယ်အရွဲ့တိုက်ပြီးပြောတာမဟုတ်ပါဘူး..တကယ်ပြောတာပါ "
" ကောင်းပါပြီ..ဒါပေမယ့် ကိုကြီးထယ့်ကို တစ်ယောက်တည်းပစ်ထားခဲ့တာမဟုတ်ဘူးဆိုတာတော့ထယ်ယုံပါ..အဆက်အသွယ်လည်းမဖြတ်နဲ့နော်ထယ် "
" ဟုတ် "
ဒီလိုအေးစက်စက်နှုတ်ဆက်စကားတွေ ကိုကြီးနဲ့ပြောရလိမ့်မယ်လို့ ကင်မ်ထယ်စိတ်ပင်မကူးဘူးချေ။ တကယ်တစ်ယောက်တည်းကျန်ခဲ့ရတော့မည်ဆိုသည့်အသိက ကင်မ်ထယ့်ကို လုံလောက်စွာတုန်လှုပ်စေခဲ့သည်။
#...☕...#
မနေ့ညကအဖြစ်အပျက်ကြောင့် ဂျောင်ကု ဂျီမင်းဆီလာဖို့ခြေတုန်လက်တုန်ဖြစ်ကာ ဆိုင်ရှေ့နားတွင် ခေါက်တောက်ခေါက်ပြန်လျှောက်နေမိသည်။
ESTÁS LEYENDO
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~