The Things I Hate About You

Chapter 14

Today is the launch party of Daze. Ang club na ilang buwan naming pinag-planuhan at ang club na pinagka gastusan ko ng malaking halaga! It all goes down tonight! Mayroong event na inorganize si Clint para sa launch ng club at magkakaroon ng after party mamaya sa Revel.

Busy na ang hair and make up team ko dahil ilang oras nalang ang event at kailangang perpekto ako mamaya. Nag sasalpukan nanaman si Mori at Roxy. Ang mga baklang ito talaga!

"Siguraduhin mo lang na hindi ka gagawa ng eksena mamaya, Tosca. Nako. Baka pahirapan mo nanaman ako niyan." Banta ni Rita.

"Bakit? Puro positive naman ang mga news about me recently ah." Nag kibit balikat ako.

"Oo nga. Curious nga ang mga tao kung sino itong mystery boyfie mo na mag malaking braso eh." Sabat ni Roxy habang nilalagyan ng rollers ang buhok ko.

"Puro pahapyaw lang kasi ang pinopost ng ate mo eh."

"Paanong hindi puro braso, eh bindi naman aware yung lalaki na mag jowa sila!" Untag ni Rita na sinundan ng halakhak nilang tatlo.

Inirapan ko si Rita mula sa salamin. Nag bitter ako dahil medyo totoo naman. Wala naman ding progress sa relasyon namin ni Scor. Palaging hot and cold. Minsan para na nga akong aso na sunod ng sunod sa amo. Ewan ko ba pero pag dating sa kanya bumabaliktad lahat ng prinsipyo ko.

"Totoo na ba 'yan Tos?" Tumawa si Roxy.

"Tsk! Tigilan niyo na nga ang love life ko. Di na kayo nakakatuwa ah." Untag ko sa kanila.

Ayoko nalang din kasing pag usapan pa ang tungkol sa amin ni Scor. Paulit ulit nalang kasi akong napapahiya eh.

Mabuti nalang at tinantanan din nila ang kaka-asar sa akin tungkol kay Scor. Patapos na akong mag ayos nang mag ring ang cellphone ko. Tumatawag si Scor.

"Hello?"

"I'm at the parking. Tapos ka na bang mag ayos?" Suminghap ako nang marinig ang sinabi niya.

"Saan? Dito?" Hindi makapaniwalang tanong ko.

"Yeah." Sagot niya.

"P-patapos na ako." Hindi magkanda ugagang sinaksak ko sa bag ko ang mga gamit ko.

Hindi na ako nag paalam kina Mori. Sinabihan ko nalang sila na sila na ang mag sarado ng unit ko. Ayoko namang paghintayin ng matagal si Scor.

"Sorry ang tagal ko. Nainip ka ba?" Tanong ko pagka pasok ko ng sasakyan niya.

Inayos ko ang puting dress ko para hindi maipit ng pinto iyon pagsara ko. Nag tama ang paningin namin. Nag iwas din ako kaagad dahil pakiramdam ko may napuna nanaman siya na hindi maganda sa akin.

"It's fine." Tumikhim siya at inistart na ang sasakyan.

"Hindi ko alam na dadaanan mo ako." Wala kasi siyang sinabi na sabay kaming pumunta. Mabuti nalang at tapos na akong mag prepare.

"I had no choice. My date backed out." Untag niya habamg nag mamaneho.

Umuwang ang bibig ko pero hindi ko mahagilap kung ano ang sasabihin ko. Lumunok ako para pigilan ang damdamin ko. He didn't have to tell me that but he did. Bakit? Para saktan ako? Para ipamukha na second choice ako?

"Ah, I see. Paano pala kung may date din ako?" Nanginginig ang boses ko.

Sinulyapan niya ako at blangko ang ekspresyong tiningnan. Wala naman siyang sinabi.

"So this is a date?" Sabi ko ulit.

"No." Parang bomba iyong binitiwan niya.

Hindi na ako sumagot. Sumandal nalang ako at nag kalikot ng kung ano ano sa cellphone ko. Nakakabinging katahimikan ang bumalot sa sasakyan. Na tempt akong buksan ang radyo pero ayoko namang masabihang pakialamera.