The Things I Hate About You

Chapter 28

TOSCA

Today is my twenty fourth birthday! Ang bilis lumipas ng mga araw. Sunod sunod nga ang mga blessings sa akin kaya naman hindi pwedeng hindi ako mag-hahanda. I have so much to be thankful of kagaya nalang ni Scor. Paulit ulit ko na atang sinabi ito, but he's the best boyfriend anyone can ask for.

I decided to have my birthday at my parents house. Simple lang ang gusto kong celebration ngayon at kaunting mga tao lang ang inimbita ko. Siguro mga 100 plus. Wala naman nang event event, simpleng house party lang na may mga pa games at kung ano ano pa. Wala kasi dito ang parents ko.

Habang inaayusan ako ng dalawang bakla ay nag ring ang cellphone ko at nakita kong si Tequila ang tumatawag.

"Tosca! Happy Birthday!" Sabi niya.

"Teq! Kung makabati ka ay parang hindi mo din birthday." Natatawang sagot ko naman.

Sa taon taong mag ce celebrate ko ng birthday ko, siya ding pagtatago ni Tequila Rose. Hindi kasi siya mahilig sa mga celebrations na ganyan. Kaya nga magkaibang magkaiba talaga kami. Sabi nga ng mga magulang namin, siya ang matino ako ang loko loko. At least balanse.

"Gaga! Hintayin mo nalang ang regalo ko. Mamaya darating." Aniya.

"Hindi ka na dapat nag-abala. Sana umuwi ka nalang." Kunyari ay nagtatampong sabi ko.

"Basta hintayin mo nalang. I'll call you back, I gotta go." Hindi na ako nakapag paalam kay Teq dahil bigla niyang binaba ang tawag.

"Mamshie! Ininvite mo ba 'yung mga borta mong friends? Tagtuyot na kami ni Roxy." Biglang sumabat si Mori sa gilid ko na nagliligpit ng kanyang mga gamit.

"Marami akong ininvite para sa inyo. Mga pokpok." Pabirong sabi ko naman.

"Aba! Dapat lang 'no, ang tagal nang nanunuyot ng talahiban ko." Maarteng sabi ni Roxy.

May kung ano silang pinagtatawanan pero hindi na ako nakinig. Nakatutok ako sa cellphone ko dahil kaninang umaga pa hindi sinasagot ni Scor ang mga tawag at text ko. Hindi rin siya nagtetext. Maayos naman kaming natulog kagabi, hindi kami magkasama dahil dito ako sa bahay ng parents ko natulog.

"Tos! Nakikinig ka ba?" Biglang sabi ni Rita matapos ang ilang sandali.

"Ha? Ano nga ulit?" Tanong ko bago bumaling sa kanya.

"Ang sabi ko, may mga paparazzi sa labas." Aniya.

Umikot kaagad ang mata ko. Hindi talaga nila hahayaang maging mapayapa ang birthday ko. I'm really getting sick of this famous-girl life. Para namang hindi ko ishe share ito sa social media.

"Paki tawagan nalang ang Security. Paalisin sila kamo. Hindi naman nila mahintay ang official photos. Nakakainis." Sabi ko.

"Wow, himala! Eh diba bet na bet mo nga ng paparazzi dahil more exposure? Naalala mo dati, nag-popose ka pa sa airport." Humahalakhak na sabi ni Roxy.

"Eh siyempre naman, birthday ko ito. Saka kaya nga maliit na party lang. Tapos panghihimasukan nila."

"Sabagay. Hindi mo na ba iche check ang setup sa labas?" Ani Rita.

Tiningnan ko muna ang wall clock. Alas singko na ng hapon. Nagsisimula nang lumubog ang araw at anumang oras ay darating na ang mga bisita. Candyland ang theme ng birthday ko. Kahit saan kang sulok tumingin ay makulay doon at pink ang dominant color. Mayroong mga candy bars, lahat ng drinks ay candy themed at ang attire ng mga bisita ay dapat makulay din.

Isang hot pink shiny latex dress ang sinuot ko. Kitang kita ang hubog ng katawan ko sa damit na 'yon. Pag-labas ko sa kwarto ay isa isa na ding nagsidatingan ang mga bisitang inimbita ko.