REBEL HEART | TRANSGENDER X STRAIGHT

Kabanata 37

"Ba't ba hindi ka makakasama mamaya? Sayang naman!" Si Ma'am Grace.

"Hindi po kasi ako pinayagan ng boyfriend ko, ma'am."

"Nakapagpaalam ka na ba uli ngayon? Try mo ulit. Nandu'n naman kami ni Harold, 'no! Samin ka lang dumikit. Sige na! Gusto ka kasi namin makasama," pamimilit pa rin ni ma'am.

Hinawakan niya ang kaliwang kamay ko at mahinang pinisil ito. Nangungumbinsi ang mga mata.

"Subukan ko po," ngiti ko at sa huli tumango siya, pero sinabihan rin ako agad na aasahan niya.

Biyernes. Puro tungkol sa mamaya na lang ang naririnig ko sa loob ng department. Mapa-rito sa puwesto namin, o maging du'n sa kabila, lahat pinag-uusapan na ang mga gagawin sa despedida ni Brennon. Hindi na nga halos nagtrabaho ang iba nu'ng sumapit ang hapon tulad nina ma'am at sir. Sobrang excited sila para sa mamaya lalo na nu'ng malamang gaganapin pala ang party sa isa sa mga sikat na club sa QC.

"Grabe pala 'yang si Brennon! Maraming connection. First time ko pa lang makakapasok du'n!" pag-iba na ng topic ni ma'am.

I don't, though. Familiar na sa akin 'yung pangalan kasi nakailang punta na kami roon ni Ava. Noong mga panahong maliligalig pa kami. Noong mga wala pang kani-kaniyang boyfriend. Isa sa mga pinakadinudumog na club sa city kaya nagulat ako na kakilala pala ng pamilya ni Brennon ang owner nu'n.

"Nakapunta ka na ba ro'n, Rhian?" Usisa naman ni sir. Hindi na talaga sila nagt-trabaho at nasa gilid na lang ang mga dokumento.

"Opo, sir. Siguro tatlo or apat na."

"Talaga? Galing naman!"

"Harold, tanga-tanga mo talaga! Tatanungin mo pa 'yang baby girl natin eh tingnan mo naman aura-han! Isang liberated modern pa-girl," biro ni ma'am.

"Grabe ka sa liberated, ma'am! Para namang ang wild ko," pabirong irap ko.

Nagtawanan kami. Hindi naman ako na-offend sa sinabi ni ma'am. Nasanay na rin ako kahit papaano sa mga ganitong usapan sa ilang linggong pamamalagi ko sa department. Minsan, may mga bagay pala talagang napag-uusapan sa propesyonal na mundo na parang wala lamang. Normal lang na tsikahan. Love life, gender preferences, sex. Talk about professionalism.

"Sige, free-spirited na lang pala. Iba din! Babaeng-babae datingan natin du'n baby girl," mapagbiro akong kiniliti ni ma'am sa tagiliran ko.

Hindi pa man din nakakalipas ng ilang minuto nang may gusto na namang pag-usapan si ma'am.

"Nag-seseks ba kayo ng boyfriend mo?" tanong bigla ni ma'am!

Nagulat ako! Napaurong ako palayo sa kaniya!

"M-ma'am, 'nu ba namang tanong 'yan." Umiwas ako ng tingin. Uminit agad ang mga pisngi ko.

"Dali na!" sabi naman ni ma'am tsaka lalong lumapit sa akin.

Hindi na ko makakaurong kasi nasa gilid ko na si sir. Nahihiya naman akong paurungin siya kasi naglalaro siya ng mobile game. Napasagot na lang tuloy ako.

"H-hindi pa po."

"Ba't ilang taon na ba kayong magjowa?"

Napaisip ako. Napagtanto ko bigla na sa susunod na linggo mag-iisang buwan na pala kami ni Gino. Oh, my. That fast.

"Uhm, malapit pa lang po sa one month."

Ang buong akala ko tatantanan na ko nu'n ni ma'am. Na maiisip niya na ang aga pa namin para sa mga tanong niya. But she instead she pursued; more determined than she was a minute ago.

"Gaga, puede na 'yun. Lapit na palang mag-isang buwan, eh." sabi niya.

Oh, my god.

"Ba't ikaw ba Grace? Nu'ng kayo ng jowa mo ilang buwan muna bago may nangyari," pagsali sa amin ni sir maski nasa cellphone pa rin ang mga mata niya.