"ឈ្មោះម៉ូលីយ៉ាមែនទេ?"ស្នាមញញឹមខូចខិលលេចឡើងលើផ្ទៃមុខស្រស់សង្ហាបបួលឱ្យបេះដូងស្រីតូចលោតបុកផឹបៗត្បិតពេលនេះផ្ទៃមុខទាំងពីរនៅជិតកៀកកិតគ្នា ថ្ពាល់រលោងស្រិលរបស់នាងតូចស្ទើរតែប៉ះជាមួយនិងបបូរមាត់សុិចសុីរបស់អ្នកកំលោះទៅហើយ។
"ចា...ចា....ចា៎?"សម្លេងស្រទន់ស្រដីចេញទៅញ័រតតាត់ស្ទើរស្តាប់មិនបាន កែវភ្នែកមូលក្លុំសម្លឹងមើលអ្នកកំលោះព្រិចៗដោយក្នុងចិត្តគិតឆ្ងល់ថាប្រុសម្នាក់នេះជាអ្នកណាហើយហេតុអីគេស្គាល់ឈ្មោះរបស់នាង?
(ឬមួយម្នាក់នេះជាលោកផាក? ទេ! ទេមិនអាចទេ)ក្នុងចិត្តនៅតែមានចម្ងល់ទើបខួរក្បាលបង្កើតចម្លើយមិនសមស្របចេញមកតែនាងក៏ប្រញ៉ាប់បោសវាសចម្លើយឆ្កួតឡប់អស់នេះចេញព្រោះវាមិនសមសោះហើយម៉ាក់នាងប្រាប់មកថាលោកផាកជាមនុស្សចាស់វ័យហាសិបផ្លាយតែមើលមកកំលោះម្នាក់នេះយ៉ាងណាក៏មិនសមនឹងវ័យជាងហាសិបដែរបើជាលោកផាកមែនលុះត្រាតែគាត់ជាបិសាចជញ្ជក់ឈាមនៅក្មេងរហូតមិនចេះចាស់។
"ក្មេងស្អាតខ្លាំងណាស់..."សំដីសរសើរហាក់ធ្វើឱ្យនាងក្រមុំមិនស្រណុកក្នុងចិត្តរកធ្វើខ្លួនមិនត្រូវ នេះគេសរសើរនាងតែហេតុអីស្នាមញញឹមនិងកែវភ្នែកគេកាចសាហាវគួរឱ្យខ្លាចបែបនេះ។
"សម្លឹងខ្ញុំយូម្ល៉េះ? ចាប់ចិត្តលើខ្ញុំដែរមែនទេ?"
"បើបែបនោះមែនក៏មកធ្វើជាស្រីកម្ចាយអារម្មណ៍ខ្ញុំម្នាក់ទៀតទៅនិងបានលុយពីរចំណែកមិនល្អទេហ្អេស?"បញ្ចប់សំដីទៅអ្នកកំលោះក៏កញ្ឆក់យកកាយតូចមកកាន់តែជិតឯដៃក៏ច្របាច់កដៃតូចកាន់តែខ្លាំងឡើងដូចមានគំនុំជាមួយនាងតាំងពីជាតិណាធ្វើឱ្យអ្នកដែលទទួលរងកម្លាំងចាប់មានអារម្មណ៍ឈឺផ្សាឡើងមក។
"ឈឺ...ឈឺណាលែងទៅ!"កាលបើមើលឃើញពីភាពគួរឱ្យខ្លាចរបស់ប្រុសម្នាក់នេះហើយស្រីតូចម៉ូលីយ៉ាក៏មិននៅទ្រាំយូររហ័សរើបម្រាស់ទាញដៃខ្លួនឯងចេញពីគេតែកម្លាំងតូចស្តួចស្តើងបែជាមិនអាចធ្វើអ្វីបាន រឹតតែប្រឹងរើនាងរឹតតែឈឺចាប់លើសដើម។
"អ្នកប្រុស..."សារ៉ាដែលឈរស្ងាត់មាត់មកជាយូទីបំផុតក៏ដាច់ចិត្តហើបមាត់ឡើងចង់ជួយស្រីតូចព្រោះមើលទៅនាងដូចជាទ្រាំលែងបានទៅហើយទឹកមុខស្រស់បោះប្រែមកជាក្រហមរលីងរលោងទឹកភ្នែកមើលឃើញហើយមិនដាច់ចិត្តទុកឱ្យជីមីនធ្វើបាបនោះទេ តែនាងត្រឹមជាស្រីបម្រើនៅតែធ្វើអីមិនបានគ្រាន់តែជីមីនលើកដៃឃាត់ភ្លាមនាងក៏ខ្ជឹបមាត់វិញបាត់ទៅហើយ។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...
