"ខ្ញុំពិតជាមិនដូចអ្វីដែលលោកគិត"សំដីស្រទន់បូករួមនិងកែវភ្នែកមានពន្លឺងាកតម្រង់មករកកែវភ្នែករាងក្រាស់បង្ហាញឱ្យឃើញថានាងមិនបាននិយាយកុហក គ្រប់យ៉ាងវាចេញពីក្នុងចិត្ត នាងចង់ឱ្យគេដឹង ចង់ឱ្យគេយល់ពីនាងសម្លឹងមើលនាងក្នុងផ្លូវល្អខ្លះ។
កែវភ្នែកទាំងគូសម្លឹងតម្រង់រកគ្នាឱ្យពេលវេលាហាក់ឈប់ស្ងៀមត្រឹងត្រឹមនេះ ក្រសែភ្នែកនាយកំលោះបាញ់មកកាន់នាងឥតដាក់ហាក់មើលមិនចេះធុញ ហេតុអីគេមានអារម្មណ៍ថាជាប់គាំងមិនអាចងាកចេញពីនាង? ផ្ទៃមុខតូចស្រស់ថ្លាមួយនេះមានវេទមន្តអីដែលដាក់ចងចិត្តគេជាប់ឱ្យចង់តែសម្លឹង។
"លោក?"ឃើញជីមីនសម្លឹងភ្លឹកជាប់មិនកម្រើកអ្វីទើបម៉ូលីយ៉ាយកដៃក្រវីទៅមកពីមុខគេទាំងងឿយឆ្ងល់។
តើគេភ្លឹកបែបនេះយូរប៉ុណ្ណាហើយ?ពាក្យដែលនាងនិយាយមានចូលត្រចៀកគេខ្លះឬក៏អត់?
"បើដូចអ្វីដែលនាងនិយាយមែននោះ ពិសោធន៍ឱ្យខ្ញុំឃើញទៅ"សំឡេងដង្ហោយហៅរបស់នាងតូចដាស់អារម្មណ៍គេឱ្យត្រឡប់មកមូលក្នុងខ្លួនវិញរួចហើយប្រយោគបន្ទាប់ដែលត្រូវនិយាយក៏ចាប់លេចចេញមក។ពាក្យសំដីគេពេលនេះមិនបានគំរោះគំរើយត្រជាក់ល្អូកពិបាកស្តាប់ដូចពេលមុនៗឡើយតែវាបែជាទន់ភ្លន់ផ្អែមល្ហែមរកអ្នកម្ខាងទៀតទាយមិនដឹងថាក្នុងចិត្តគេពេលនេះកំពុងគិតពីអ្វី ពាក្យដែលនិយាយចេញមកសំដៅទៅលើអ្វី។
"..."មើលទៅក្នុងក្រសែភ្នែកនាងអ្នកម្ខាងទៀតដូចជាប្លែកខ្លាំងណាស់ហើយ រហូតដល់នាងត្រូវគាំងស្តុបមិនដឹងថាគួរនិយាយអី គួរធ្វើខ្លួនបែបណា។
"ខ្ញុំនឹងរងចាំមើល"ស្នាមញញឹមត្រជាក់ល្អូកញោចឡើងបន្ទាប់ពីម្ចាស់វាងាកមុខចេញពីម៉ូលីយ៉ាដោយសម្លឹងទៅមើលទេសភាពនៅចំពោះមុខជំនួសវិញ។
"ចង់ទៅណាទៀតទេ?"សំណួរលេចឡើងស្របនឹងអ្នកដែលសួរនៅសម្លឹងមើលទៅខាងមុខនៅឡើយមិនគិតងាកមើលអ្នកដែលខ្លួនចង់សួរ។
"កន្លែងផ្សេងដែលនាងចង់ទៅ"
"..."
ភូមិគ្រឹះត្រកូល រីន
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...
