ព្រឹកថ្ងៃថ្មី_ពន្លឺព្រះអាទិត្យចាប់បង្ហាញខ្លួនឡើងមកសារជាថ្មីបញ្ចេញរស្មីចាំងបំភ្លឺផ្ទៃលោកទាំងមូល។ព្រឹកនេះផ្ទៃមេឃស្រឡះខ្យល់ឱកាសល្អផ្តល់ផលឱ្យបក្សាបក្សីហោះហើរលេងយ៉ាងសេរីលើផ្ទៃមេឃខៀវស្រងាត់ចំណែកឯផ្កានិងរុក្ខជាតិលើដីឯនេះវិញក៏ដុះលូតលាស់បានយ៉ាងល្អ ស្រស់បស់គួរឱ្យទាក់ភ្នែក។
ដកភ្នែកចេញពីទេសភាពយើងក្រលែកមកមើលប្រុសស្រីមួយគូឯនេះវិញក្រោយពីសម្រាកនៅភូមិគ្រឹះគ្រួសាររីនមួយយប់ដូចអ្វីដែលអ្នកស្រីរីនចង់បានហើយនោះទាំងពីរនាក់ក៏ប្រញាប់រូតរះរៀបចំត្រឡប់ទៅវិញទាំងព្រលឹម។
នៅតាមផ្លូវសភាពចរាចរណ៍ពេលព្រឹករញ៉េរញ៉ៃកកស្ទះដោយមនុស្សជាច្រើនកំពុងសម្រុកស្រូតដំណើរទៅធ្វើការរៀងៗខ្លួនបង្ករជាសំឡេងចេចចាចនិងសំឡេងសុីផ្លេផ្សេងៗមកប៉ះស្លឹកត្រចៀកគួរឱ្យធុញទ្រាន់ ខុសស្រឡះពីក្នុងឡានដែលម្នាក់ៗស្ងាត់មាត់ស្ងាត់កស្ងៀមស្ងាត់មិនហ៊ាននិយាយអ្វីមិនសូម្បីតែមើលមុខគ្នា។
............
ទិដ្ឋភាពភាពមុននេះ...ពន្លឺព្រះអាទិត្យចាប់លេចខ្លួនឡើងចាំងជះមកប៉ះនឹងរាងកាយប្រុសស្រីមួយគូដែលកំពុងគេងឱបគ្នាយ៉ាងស្និតស្នាលក្នុងភួយតែមួយដែលមួយគូនេះគ្មាននរណាផ្សេងក្រៅពីជីមីននិងម៉ូលីយ៉ានោះទេ។រាងកាយតូចស្តើងម៉ូលីយ៉ាគេងលង់លក់យ៉ាងស្កប់ស្កល់ ក្បាលតូចដាក់កើយលើដើមដៃនាយកំលោះឯខ្លួនក៏សន្សឹមត្បុលចូលទៅក្នុងដើមទ្រូងមាំហាប់របស់ជីមីនខ្ចីខ្លួនគេមកបាំងដើម្បីគេចពីពន្លឺដែលចាំងចូលមករំខាន។
"អឹម!"សំឡេងគ្រហឹមតិចៗចេញពីបំពង់កស្រីតូច ទាំងពីរនាក់សុទ្ធតែមិនបានដឹងដូចគ្នាថាខ្លួនពួកគេកំពុងឱបគ្នាយ៉ាងស្អិតរមួតថ្នាក់នេះត្បិតយប់មិញបានដឹងស្រាប់ទៅហើយថាម្នាក់ៗគេងផ្សេងគ្នាដោយម៉ូលីយ៉ាគេងលើគ្រែចំណែកជីមីនគេងខាងក្រោម តែកាលដែលមកនៅក្បែរគ្នាបែបនេះក៏អាចស្មានដឹងថាអ្នកណាគេងអាក្រក់ហើយរមៀលចុះមក។
ក្រាក~
សំឡេងទ្វារបន្ទប់របើកឡើងដោយដៃអ្នកស្រីរីន ជំហានជើងមនុស្សចាស់ដើរចូលមកក្នុងបន្ទប់ទាំងចងចិញ្ចើមជាប់ត្បិតលើគ្រែមិនឃើញមានមនុស្សឯបន្ទប់ក៏ស្ងាត់បាត់វត្តមានកូនស្រីខ្លួននិងនាយកំលោះម្នាក់នោះឱ្យឈឹង។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...