ក្រាក~ទ្វាររបើកឡើងដោយស្នាដៃម៉ូលីយ៉ា កាយតូចដែលលួចស្តាប់នៅខាងក្រៅបន្ទប់លឺរឿងគ្រប់យ៉ាងនោះស្រាប់តែចូលមកបើកភ្នែកធំៗបាញ់សំណួរដែលខ្លួនកំពុងតែចង់ដឹងទៅម៉ូឈី។
"គេចេញពីផ្ទះពិតមែនហេស?"
វត្តមាននាងតូចធ្វើឱ្យម៉ូឈីត្រូវដាក់ទូរស័ព្ទចុះបែរក្រោយសម្លឹងមើលនាងទាំងចង់ចិញ្ចើមជាប់ ឆ្ងល់ណាស់ថានេះនាងលួចស្តាប់គេនិយាយទូរស័ព្ទឬ? បើបែបនោះវាដូចជាហួសហេតុពេកហើយ។
"ហេតុអីក៏អ្នកនាងមកលួចស្តាប់ខ្ញុំនិយាយទូរស័ព្ទ?"
"លួចស្តាប់? អ្នកណាលួចស្តាប់លោក ខ្ញុំចៃដន្យស្តាប់លឺតែប៉ុណ្ណោះ"លឺពាក្យនាយកំលោះហើយម៉ូលីយ៉ាក៏រហ័សតបទៅវិញយ៉ាងលឿន អះអាងបានយ៉ាងច្បាស់ថានាងគ្មានចេតនានោះទេអ្នកណាឱ្យគេមកនិយាយក្នុងបន្ទប់នាងនោះ?
"ចៃដន្យស្តាប់លឺ? នេះជាបន្ទប់របស់ខ្ញុំអ្នកនាងមកធ្វើអី?"ណាស់ហើយថាសំដីនាងទៅធ្វើឱ្យម៉ូឈីវង្វេងតែសំដីម៉ូឈីឯនេះវិញកាន់តែធ្វើឱ្យនាងវង្វេងថែមទៀត ខ្លួនកំពុងឈរនៅក្នុងបន្ទប់ម៉ូលីយ៉ាតែបែរជាអះអាងថានេះជាបន្ទប់ខ្លួន។
ផ្ទៃមុខតូចចាប់ក្របួចចិញ្ចើមចូលគ្នាចំហរមាត់ឆ្ងល់វិញម្តងពេលលឺសំដីនាយកំលោះនិយាយហើយ។ឯនាយកំលោះឯនេះដោយហេតុមុននេះខ្លួនរៀបត្រឡប់ទៅបន្ទប់វិញចៃដន្យអីលោកផាកស្រាប់តែខលមកទើបគេវង្វេងវង្វាន់គិតថាពេលនេះខ្លួនកំពុងនៅក្នុងបន្ទប់ខ្លួនឯង។
"ម៉ូឈី...ខួរក្បាលលោកមិនអីទេមែនទេ? ក្រលែកមើលជុំវិញខ្លួនឱ្យច្បាស់ទៅមើលថាលោកកំពុងឈរនៅកន្លែងណា?"កាយតូចបោះជំហានមកមុខមួយជំហាននិយាយទៅម៉ូឈីដោយទឹកមុខហួសចិត្តនាំឱ្យនាយចាប់ងាកសម្លឹងជុំវិញខ្លួនតាមអ្វីដែលនាងនិយាយពិតមែន។
កាយមាំក្រាស់សម្លឹងជុំវិញបន្ទប់មើលឃើញគ្រប់យ៉ាងសុទ្ធតែពណ៌ស្រស់ឆើតឆាយទាន់សម័យខុសពីបន្ទប់ខ្លួនដែលរំលេចទៅដោយពណ៌សហើយនឹងខ្មៅរួចទើបដឹងថានេះពិតជាបន្ទប់របស់ម៉ូលីយ៉ាពិតមែន។
BINABASA MO ANG
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...