ទីក្រុងប៉ារីសប្រទេសបារាំង_
ទិដ្ឋភាពបន្ទាប់បើកបង្ហាញឱ្យយើងឃើញពីសកម្មភាពរបស់លោកផាកដែលចាប់តាំងពីមកដល់ប្រទេសបារាំងលោកក៏គ្មានការងារអ្វីត្រូវធ្វើដូចដែលប្រាប់ទៅជីមីននិងម៉ូលីយ៉ាមុនពេលមកទីនេះដែរ។មួយខែជាងទៅហើយតាំងពីបានមកជាន់ទឹកដីប្រទេសបារាំងមកលោកផាកក៏ឈានខ្លួនចូលមកស្នាក់នៅក្នុងផ្ទះឯកជនផ្ទាល់ខ្លួនជាប់មិនដែលឃើញចេញទៅខាងក្រៅហើយក៏មិនឃើញសូម្បីចេញពីបន្ទប់។
រាងកាយមនុស្សវ័យចំណាស់តែអាយុរឯរូបរាងក៏មិនបានចាស់ទៅតាមកំពុងអង្គុយលើសាឡុងក្នុងបន្ទប់ខ្លួនកាន់អ្វីម្យ៉ាងនៅក្នុងដៃក៏មិនដឹង ឯភ្នែកក៏ព្យាយាមសម្លឹងទៅរបស់នោះទាំងដែលបន្ទប់ពេលនេះវាងងឹតមានត្រឹមពន្លឺបន្តិចបន្តួចចាំងចូលតាមបង្អួចរកមើលអ្វីមិនបានតែលោកផាកក៏នៅតែខំមើលខំសម្លឹងរហូតរបូតពាក្យប៉ុន្មានម៉ាត់ចេញពីក្នុងក្រអូមមាត់។
"ជីនមី...ទុកចិត្តចុះបងនឹងបំពេញបំណងអូនឱ្យបាន បងសន្យាច្បាស់ជាគោរពតាមពាក្យដែលបងនិយាយ"ពាក្យសំដីនិយាយចេញមកហាក់បញ្ជាក់ឱ្យដឹងថាគាត់បានសន្យាអ្វីម្យ៉ាងជាមួយនឹងនរណាម្នាក់ហើយម្នាក់នោះយើងអាចស្មានដឹងមុនថានោះគឺម៉ាក់របស់ជីមីនព្រោះពាក្យដែលគាត់និយាយគ្រប់ម៉ាត់គឺនិយាយស្របពេលដែលកំពុងសម្លឹងរបស់ម្យ៉ាងក្នុងដៃជាប់ដែលរបស់នោះគឺជារូបថតអាពាហ៍ពិពាហ៍រវាងគាត់នឹងប្រពន្ធដែលបានស្លាប់ទៅ។
"យ៉ាងណាបងនឹងដោះស្រាយរឿងនេះឱ្យល្អបំផុត"
ទឺត~!
ស្របពេលកំពុងអណ្តែតអណ្តូងអារម្មណ៍គិតទៅដល់ភរិយាបណ្តូលចិត្តតែម្នាក់នោះនៅសុខៗទូរស័ទ្ទក្នុងហោប៉ៅអាវក៏ចាប់រោទ៍ឡើងឱ្យគាត់សន្សឹមទម្លាក់រូបថតចុះពីលើដៃដាក់ថ្នមៗទៅលើតុមុននឹងប្រើដៃទាញយកទូរស័ព្ទពីក្នុងអាវមកនិយាយ។
"និយាយមក"ទូរស័ព្ទលើកមកដាក់ផ្អឹបត្រចៀកភ្លាមមិនសាំញ៉ាំច្រើនលោកផាកក៏បង្ហើរសំឡេងដែលពោពេញទៅដោយអំណាចប្រាប់ទៅអ្នកម្ខាងទៀតឱ្យដឹងថាមានអ្វីចង់និយាយក៏និយាយឱ្យអស់មក។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...
