សំនួនសំណួរនាងក្រមុំលេចឡើងក្រោយស្តាប់សំដីជាច្រើនម៉ាត់របស់ជីមីនហើយនាងកាន់តែមិនយល់ មិនដឹងនោះទេថាគេចង់និយាយពីនរណាឱ្យប្រកដត្បិតពេលនេះគេនិយាយជាមួយនាងតែសំដីហាក់សំដៅទៅលើអ្នកផ្សេង ឬមួយក៏ពិតដូចជាគេថាមែន? មនុស្សស្រវឹងតែងតែរវើរវាយនិយាយស្តីស្តាប់មិនដឹងរឿង។
"ក្លាយជា...ក្លាយជា...អួក!"មិនទាន់នឹងបាននិយាយអ្វីផងជាតិសុរាក្នុងខ្លួនបុកច្រាលឡើងមកដល់ដើមបំពង់កឱ្យនាយកំលោះទប់លែងជាប់បែរខ្លួនទៅម្ខាងប្រលែងវាចេញមកទាំងអស់។
"ជីមីន!"
ព្រឹកថ្ងៃថ្មី
ពេលព្រឹកមេឃស្រឡះទឹកសន្សើមធ្លាក់ហុចផលឱ្យរុក្ខជាតិទាំងឡាយលូតលាស់បានយ៉ាងល្អទៅតាមធម្មជាតិ។
ពន្លឺនាពេលព្រឹកចាំងចូលមកតាមបង្អួចប៉ះផ្ទៃមុខនាយកំលោះដែលកំពុងតែគេងលង់លក់ស្កប់ស្កល់ផ្តល់ផលរំខានឱ្យគេត្រូវបង្ខំចិត្តបើកភ្នែកឡើងទាំងមិនអស់ងងុយ។ ត្របកភ្នែកនាយកំលោះបើកឡើងម្តងបន្តិចៗសម្លឹងមើលទៅពិដានខាងលើទាំងជ្រួញចិញ្ចើមឈឺក្បាលផ្នែកខាងក្រោយជាខ្លាំងព្រោះយប់មិញនេះគេដាក់ជ្រុលជាតិស្រានៅមិនទាន់សាបអស់នៅឡើយទើបនាំឱ្យពិបាកក្នុងខ្លួនកាត់ព្រឹក។
"ដឹងចឹងមិនផឹកច្រើនថ្នាក់នេះទេ"នាយកំលោះពោលឡើងតិចៗល្មមលឺតែខ្លួនឯងរួចប្រាស់ខ្លួនងើបអង្គុយយកដៃខាងស្តាំទះក្បាលពីក្រោយថ្នមៗគិតថាធ្វើបែបនេះនឹងបន្ថយការឈឺចាប់ខ្លះតែវាក៏នៅតែឈឺខ្ទោកៗលើសដើម។
តុក! តុក!
កំពុងអង្គុយឈ្ងោកមុខតប់ក្បាលខ្លួនឯងសុខៗសំឡេងគោះទ្វារចាប់បន្លឺឡើងឱ្យរាងក្រាស់រហ័សងាកភ្នែកសម្លឹងទៅមាត់ទ្វារមុននឹងអនុញ្ញាតឱ្យអ្នកដែលឈរចាំនៅខាងក្រៅចូលមក។
"ចូលមក"
ក្រាក~
ក្រោយទទួលបានការអនុញ្ញាតពីម្ចាស់បន្ទប់រួចនាងក្រមុំសារ៉ាក៏ចាប់យកដៃម្ខាងបើកទ្វារចូលមកស្របនឹងដៃម្ខាងទៀតកំពុងកាន់ថាសអាហារពេលព្រឹកយកចូលមកជាមួយ។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...