ពាក្យលួងលោងយ៉ាងស្រទន់លេចចេញពីបបូរមាត់ក្រាស់បូករួមនឹងដៃមាំក្រាសទះស្មានាងថ្នមហាក់ដូចជាកំពុងបំពេរនាងឱ្យលង់លក់ទៅម្តងទៀតត្បិតពេលនេះភ្នែកនៅទន់ខួរក្បាលមិនទាន់អស់ងងុយនៅឡើយទើបនាងតូចចាប់បិទភ្នែកសង្ងំគេងទៅយ៉ាងស្រួល។"អ្នកប្រុស"ក្រោយច្បាស់ប្រាកដថាម៉ូលីយ៉ាគេងលក់គ្រប់យ៉ាងក្នុងបន្ទប់នាងគឺល្អអស់ហើយជីមីនក៏នាំខ្លួនមកជាន់ខាងក្រោមតាមសំដី ដោយពេលនេះមានម៉ូឈីនៅឈរចាំគេរួចជាស្រេច។
"ឯងនិយាយមក"
"ប៉ា...ប៉ា..."
"តើគាត់...តើគាត់ដឹងរឿងអីខ្លះ"អ្នកមាននាមជាអ្នកប្រុសឈរចំពោះមុខកូនចៅជំនិតឪពុកនិយាយទៅទាំងរដាប់រដុប។
បំពង់កដែលស្ងួតចេះដូចមេឃខែប្រាំងព្យាយាមលេបទឹកមាត់សម្រួលអារម្មណ៍កុំឱ្យភិតភ័យក្នុងនាមជាកូនប្រុសរឿងនេះគេត្រូវធ្វើឱ្យបាន ត្រូវតែប្រឈមគ្រប់យ៉ាងមិនថាមានអ្វីកើតឡើងនោះទេតែចិត្តភ័យខ្លាចវានៅតែជាភាពរំខាននាំអារម្មណ៍គេឱ្យច្របូកច្របល់។
តើឪពុកខ្លួនដឹងអ្វីខ្លះ? បើគាត់ដឹងរឿងគេនិងម៉ូលីយ៉ាទាក់ទងគ្នានោះតើគាត់មានប្រតិកម្មយ៉ាងម៉េច? ជីមីនមិនហ៊ានស្រមៃនោះទេថាវាជារឿងល្អតែក៏មិនចង់គិតថារឿងអាក្រក់នឹងមកដល់។
"គឺ...គឺ"
"លោកផាកដឹងថាអ្នកនាងម៉ូទៅរកអ្នកប្រុស ហើយក៏ស្មានដឹងដែរថាអ្នកនាងម៉ូបាត់ខ្លួនទៅក៏ប្រហែលជាទៅនៅជាមួយអ្នកប្រុស"ម៉ូឈីនិយាយរៀបរាប់គ្រប់យ៉ាងទាំងឱនមុចចុះសម្លឹងមើលជើងទាំងគូរបស់ខ្លួនជាប់ មិនហ៊ានងាកសម្លឹងមើលនាយកំលោះ។
ដែលគេមិនហ៊ានសម្លឹងមើលជីមីននេះវាក៏សមហើយព្រោះមុននេះក្នុងទូរស័ព្ទគេនិយាយយ៉ាងម៉ត់ចត់ថាលោកផាកដឹងរឿងរវាងជីមីននិងម៉ូលីយ៉ារួចក៏បិទទូរស័ព្ទភ្លាមៗទុកជាចម្ងល់និងភាពភិតភ័យឱ្យជីមីនប្រញាប់មកសេអ៊ូលវិញទាំងយប់តែពេលមកដល់ទៅវាក៏ជារឿងធម្មតាគ្មានអ្វីធំដុំគួរឱ្យបារម្ភបែបនេះជីមីនខឹងស្លាប់មិនខានទេ។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...